Home Gobierno Valerie Croes a wordo nombra “Chief Innovation Officer” pa Aruba

Valerie Croes a wordo nombra “Chief Innovation Officer” pa Aruba

307
0
SHARE
- Advertisement -

Hobennan profesional ta sigui haya spotlight…

ORANJESTAD (AAN): E siman aki tabata un momento historico unda pa prome biaha den historia di nos pais nos ta bay pone e tema di innovacion halto riba agenda di gobierno. Innovacion ta un terminologia cu ta worde hopi uza pero ainda no ta conoci cerca tur hende con amplio e area di alcanse di innovacion ta.

Prome Minister señora Evelyn Wever-Croes den conferencia di prensa di Gobierno a duna di conoce e plannan di Gobierno pa cu innovacion. Nos ta bibando den un era technologico unda a conoce hopi cambio y lo sigui conoce hopi cambio. Pa Gobierno di Aruba ta un meta pa trece innovacion na un nivel halto. Pa prome biaha den historia di Aruba cu lo conoce un Chief Innovation Officer, den persona di Varelie Croes, un profesional reconoci international, un entrepreneur, y un defensor pa innovacion.

Varelie ta un yiu di tera cu experiencia amplio den innovacion y tambe un trayectoria extenso den finanzas y ley, un base amplio y diversifica. Varelie hunto cu su ekipo lo eherce e rol aki pa yuda Aruba ta doño di su propio destino, pa nos ta cla pa futuro. Nos lo crea un “experimental lab” cu lo ta traha na un manera hopi pragmatico y agil hunto cu Gobierno y e varios ministerionan pa cu asina por trece solucionnan efectivo y rapido.

Como pais nos kier ta cla pa e futuro nobo aki, un futuro moderno, cu tin oportunidad pa nos hobennan, y pa nos hendenan keda central, pa asina nos asegura cu esnan mas vulnerabel den nos pais no worde lubida, pero al contrario, poniendo e ser humano central den un plan di innovacion lo beneficia nos pais di un manera asina positivo cu nunca antes nos a conoce. Esaki ta posibel cu un plan integral di innovacion pa pais Aruba y e ekipo pa ehecuta esaki.

Prome Minister ta yama sra Valerlie Croes y e ekipo di Innovacion bon bini y ta desea nan tur exito den e reto nobo aki cu ta marca historia pa nos pais.

- Advertisement -

DUNA COMENTARIO

Please enter your comment!
Please enter your name here