Home Parlamento Violencia contra hende muher no mag bira algo di tolera na Aruba

Violencia contra hende muher no mag bira algo di tolera na Aruba

118
0
SHARE
Processed with MOLDIV
- Advertisement -

Parlamentario Jennifer Arends-Reyes

ORANJESTAD (AAN)–: Segun sra Arends-Reyes, Parlamentario pa fraccion di AVP a tuma nota manera varios aña cu Aruba tambe ta participa na e campaña internacional contra abuso di hende muher y mucha muhernan, ‘Orange the world’ cu ta un campaña di Nacionan Uni ‘UNwomen’. Locual e ta encera ta 16 dia di activismo y concientisacion pa henter e comunidad.

E ta cuminsa dia 25 di november y caba 10 di december cu ta dia internacional di derechonan humano. Na Aruba por a tuma nota di un caminata solemne cu por cierto a entrega un manifesto na Parlamento di Aruba cu te awe fraccion di AVP en todo caso no a ricibi un copia oficial di e documento for di Parlamento, tambe varios actividad incluyendo e prome simposio den reino Hulandes organisa pa Fundacion pa hende muher den dificultad, sra Arends-Reyes kier a felicita e fundacion aki en particular y tur otro instancia y departamento cu nan trabou valioso cu nan ta hasi den nos comunidad pa cu e fenomeno aki.  E actividadnan a toca varios aspecto relata cu e topico di violencia contra hende muher y mucha muher.

Esaki ta un topico cu ta exigi participacion y compromiso di tanto hende muhernan como hende hombernan, sector publico y sector priva. Varios pais especialmente Europeo tin facilidadnan y leynan extra na beneficio y proteccion di hende muhernan incluyendo e topico di ‘sexual harassment’ cu ta forma parti di e desigualdad di poder cu por existi entre hende homber y muher y ta conduci na un forma di violencia cu ta relata na e genero, den e caso ki pa motibo di ta hende muher.

E tin e ora un corelacion directo cu descriminacion pa motibo di genero y ta bai contra di derechonan humano. Na Aruba diferente violencia contra hende muher por tin un efecto hopi grandi tanto pa gobierno, sector priva, salubridad, productividad laboral y bienestar general di nos hendenan. Pesey ta di sumo importancia pa continua dunando e topico su debido atencion.

Na Hulanda a ratifica e Tratado di Istanbul na 2012 y na aña 2015 a wordo aproba den Tweede Kamer y na 2016 e la wordo implementa pues e ta tuma su tempo pa realisa. Aruba su constitucion articulo 1 caba ta reconose cu na Aruba no mag conoce descriminacion pa ningun motibo pues tampoco pa bo genero, tambe nos a ratifica e tratado di derechonan di mucha hunto cu reino Hulandes na aña 1995.

E tratado specifico di Istanbul aki ta uno importante pa paisnan den reino traha riba dj’e, e ta rekeri entre otro inversion pa un centro di crisis cu ta disponibel 24/7, tipline, extra personal, asistencia huridico y financiero pero tambe e compromiso politico pa realisa y sigur pa motibo cu e ta mara na condicionnan y control di Union Europeo.

Nos hende muhernan ta importante den nos comunidad y ta e weso di lomba di nos famianan. Durante e transcurso di añanan y sigur sra Arends-Reyes hunto cu fraccion di AVP a bishita na varios ocasion esnan cu ta trata e topico aki y a forma parti di varios discusion na nivel interparlamentario di reino y na nivel interparlamentario di Latino America y Caribe.

Por bisa cu di banda di fraccion di AVP pa e Parlamento nr 10 sigur ta interesa den e topico y lo kier wak con por sigui contribui na mehoransa den beneficio di nos hende muhernan. Violencia contra hende muher sea ta fisico, mental of sexual ta inaceptabel mescos tur otro violencia, e no mag di bira nunca algo cu nos comunidad chikito ta tolera of acepta sra Arends-Reyes ta termina bisando.

 

 

 

- Advertisement -

DUNA COMENTARIO

Please enter your comment!
Please enter your name here