Home Hudicial Wela no ta sospechoso mas den caso ‘speeltuin’

Wela no ta sospechoso mas den caso ‘speeltuin’

351
0
SHARE
- Advertisement -

Ministerio Publico ta pidi pa lage na paz:

ORANJESTAD  (AAN):   Riba diasabra 25 di november ultimo, señora L.C.F., wela di e fayecido muchanan Rishandroh en Eugene, a wordo deteni riba sospecho di complicidad na maltrato severo di e dos muchanan, cu morto como consecuencia.

E complicidad lo a encera cu señora F. no a actua mientras e tabatin conocimento di e maltrato severo.

Despues di investigacion cuidadoso, Ministerio Publico a yega na e conclusion cu no tin ningun motibo pa supone cu señora F. a haci su mes culpable na cualkier tipo di hecho castigable.

Pa e motibo ey, Ministerio Publico no a pidi huez-comisario pa prolonga detencion di señora F. y a pone den libertad.

Ministerio Publico ta conciente cu e morto di Rishandroh en Eugene a lanta hopi emocion na Aruba.

Ministerio Publico ta spera cu señora F. lo wordo laga na paz. E tambe ta victima den e caso aki y mientrastanto e no ta sospechoso mas.

 

 

 

- Advertisement -

DUNA COMENTARIO

Please enter your comment!
Please enter your name here