Home arte y espectaculo Yxselle Giel a lansa exito di Pasco “Nos Rey di Amor”

Yxselle Giel a lansa exito di Pasco “Nos Rey di Amor”

28
0
SHARE
- Advertisement -

Hunto cu su yiu Deevah Croes

ORANJESTAD (AAN): Tabata riba dia 18 di november 1994 cu Yxselle Giel a gana e festival di composicion di Pasco Arubiano.

E tempo ey Casin Giel a compone e cancion “Mare tur dia por ta Pasco” cu mesora su tras a subi radio y bira un exito grandi pa mas di dos decada caba. Awor, hunto cu su yiu mayor Deevah Croes di 10 aña, el a lansa un otro cancion dedica specialmente na e temporada aki.

Cu composicion di Edselyne Figaroa y areglo di Michael Odor, e cantante Yxselle Giel y Deevah Croes a interpreta “Nos Rey di Amor”. Yxselle despues di e exito di 23 aña pasa, a participa den varios festivalnan di canto, entre otro esun di Himno y Bandera y a canta den varios banda specialmente durante temporada di fin di aña y carnaval. Su yiu Deevah a participa 2 biaha caba na Festival di Himno y Bandera.

“Nos Rey di Amor” a subi radio desde e siman aki y pa otro siman lo sali e videoclip di e cancion aki, cu ta dedica na e temporada aki di paz, amor, di felicidad, di union familiar y sin lubida pa subraya nos fe den Dios. E combinacion di bos entre mama y yiu ta crusa perfectamente den otro, creando un melodia unico.

- Advertisement -

DUNA COMENTARIO

Please enter your comment!
Please enter your name here