Home General 214 aniversario di Independencia di Republica di Haiti

214 aniversario di Independencia di Republica di Haiti

24
0
SHARE
- Advertisement -

ORANJESTAD(AAN)– Vice Consul di Hait  Walfaud Saget a emiti un mensahe relaciona cu celebracion di e 214 aniverario di independencia di Republica di Haiti.

214 aniversario di Independencia di Haiti, ta recorda y honra e memoria di tur esun nan cu a lucha pa libera Haiti di e yugo colonial:  soldatnan indigena, hombernan y muhernan cu a comprometi den e rangonan  di resistencia interior.

E asalto final di e ehercito frances dirigi pa e capitan-general Rochambeau, cu a debuta e mainta di 18 November 1803, na Vertieres. Un asalto dificil y asesino pa e ehercito revolucionario como pa e populacionnan civil. Sinembargo e tabata un asalto libertador cu lo derota e tropanan frances y dedica mes ora e capitulacion di Rochambeau.

Dia 01  january ta laga nos corda un fecha importante, no solamente pa nos Haitiana nan y Haitiano nan, pero tambe pa tur e pueblonan domina di mundo. Ta e di dos shen y dies cuater aniversario di independencia di un pais cu tawata ariba  e control di francia. Un Nacion soberano capas di forma su propio destino, a caba di wordo duna su libertad. Y asina un pais a haya su vocacion.

Nos antepasadonan a lucha pa tin un pais independiente, nan a entrega nan sanger pa trece nos tur hunto, pa nos mira den mesun direccion, pa nos por brasa e mesun vision, pa Haiti por bira un nacion rico, bunita, uni, un nacion cu tur pueblo di mundo ta respeta.

E dia di independencia di Haiti mester mobilisa nos pa nos lucha, pa e yiunan di Haiti bibando na Aruba cana hunto, pa nos haci un solo forsa, pa nos vence tur e dificultadnan cu ta stroba nos di bai dilanti.  Esaki ta loke nos antepasadonan tabata kier pa nos, ta loke nos mester haci pa Haiti por haya su luga cu tur e respet cu e merece, entre tur e otro nacionnan grandi.

Momento crucial di historia di Haiti, 01 January 1804 ta un fecha clave den historia di e nacion haitiano, cual su echo ta resona rond mundo di generacion pa generacion. E Isla a wordo proclama independiente di Francia oficialmente pa Dessalines lesando e Acto di Independencia na Gonaives. Haiti a bira e prome republica negro independiente den mundo.

Na dia di 214 aniversario di independencia, Consulado ta rendi un homenaje solem na tur esun nan cu a lucha pa duna e pueblo haitiano libertad.

Felis dia di Independencia na tur haitiana y tur haitiano bibando na Aruba.

Walfaud SAGET

Vice Consul di Haïti

 

- Advertisement -

DUNA COMENTARIO

Please enter your comment!
Please enter your name here