Home Labor Abogado di Sindicato FTA a expresa e preocupacionnan, pa clase trahador, na...

Abogado di Sindicato FTA a expresa e preocupacionnan, pa clase trahador, na Ministro di Labor

180
0
SHARE
- Advertisement -

ORANJESTAD (AAN); E reunion entre FTA, pa medio di su abogado mr. Figaro y minister di Labor, a bay den un forma hopi ameno, caminda cu nan combersa basta rato tocante e preocupacionnan cu ta existi pa parti di FTA pa loke e ta clase di trahado na Aruba. Nan a entrega un documento tanto pa e parti di labor pero tambe parti social unda nan a suma diferente punto cu ta di preocupacion pa sindicato FTA.

E reaccion di parti tabata basta positivo, unda cu el a indica cu e intencion ta pa tene sigur e clase trahado na cuenta den e maneho bou di su gobernacion, cual nan lo considera hopi importante, unda cu nan a presenta tambe cierto puntonan manera por ehempel cosnan cu a bin dilanti den gobernacion anterior.

Esakinan ta entre asunto di e articulonan 16:13 cu na cierto momento tabata kier a elimina esaki, y a bolbe trece esey dilanti tambe. Ta di importancia pa e tipo de legislacion ey keda y e importancia no necesariamente bay papia solamente di e leynan cu tin cu cambia pero tambe percura pa lo cual tin awor tin pa worde implementa debidamente.

Sigur e abogado a resalta e importancia cu e parti di control y cumplimento cu leynan manera nan ta awor aki, anto nan a trece dilanti di e Minister di labor. Esaki lo ta hopi importante pa dedica atencion na esey, no solamente bay enfoca riba cambionan cu lo por bin cun’e, pasobra hopi biaha bo por evalua si mester cambio den e legislacion existente. Pero tambe mester wak si esunnan cu tin awor aki ta funciona si of no anto si nunca a percura pa controla cu ta worde cumpli cu e leynan dificilmente bo por bisa si un ley ta funciona si of no.

Figaroa a resalta cu e cumplimento cu e leynan e ta mas importante ainda cu bay haci cambio, pasobra cu tanto bal ta trece cambio y cu e organonan cu tin cu percura cu e leynan ta worde cumpli cun’e no ta na luga. Di parti di e Minister e ta mustra en todo caso positivo anto el a tene na cuenta nan puntonan , nan a palabra cu lo tin mas casonan den e futuro pa trece di otro sindicatonan aunke den e biaha aki nan a presenta e documento por escrito caba, cu ta mustra den detaye, e splicacion cu FTA ta trece.

Mas aleu, mr. Figaroa a sigui bisa cu parti di e problema lo ta e conscientisacion di e trahadonan, ya cu por tin ley cu ta vigente pero si e trahado no ta altura di kico ta su derechonan, kisas tin biaha hasta innecesariamente, e trahado tin e sentimento cu nan no ta worde proteha. Esaki tambe ta algo cu nan a trece dilanti: e importancia pa por tin un programa di conscientisacion unda cu e trahado ta worde informa di kico ta su derechonan y el a menciona tambe, con importante ta pa tin un programa pa percura cu no ta e trahado ta esun cu constantemente tin cu bay bisa cosnan cu ta cana malo den trabao, ya cu sin tin un departamento cu ta controla manera mester ta, e departamento mes lo constata na momento cu tin cos cu no ta traha bon.

Manera ta awor akinan e departamento ey no ta traha optimalmente, cual ta nifica cu e unico forma pa bo a haya sa cu no ta worde cumpli cu cierto cosnan na pia di trabao, ta pasobra e trahado tin cu bay presenta un keho na departamento di labor. E drempel ey hopi biaha ta dificil pa e trahado, esey lo ta dificil pa e trahado.

Esaki ta pasobra ora un trahado bay pone keho y su doño di trabao haya sa, e por tuma represalia riba e trahado, etc. Pero si bo tin organismo na su luga, cu ta haci e control ey den forma regular, ta evita cu e trahado ta esun cu tin sali dilanti,anto cierto cosnan ta worde constata door di e departamentonan ey. Esey lo ta hopi importante pa e trahado el a informa.

Finalmente, den e congreso a bin dilanti fuera di e parti laboral, e problemanan social, esey tambe a bin dilanti, y nan a combersa hopi rato riba dje cu e minister. Esaki ta door cu e minister actual, ta tanto minister di Labor, pero tambe e tin e cartera di Asuntonan Social. E dos carteranan a worde poni hunto, cual ariba su mes ta hopi importante, pasobra e dos carteranan aki ta afecta y tin influencia sigur riba e otro, segun abogado mr. Hose Figaroa.

- Advertisement -

DUNA COMENTARIO

Please enter your comment!
Please enter your name here