Home Politica Aruba a yega na resolve disputanan entre Hulanda y Venezuela

Aruba a yega na resolve disputanan entre Hulanda y Venezuela

380
0
SHARE
- Advertisement -

ORANJESTAD(AAN): — Ex prome minister Mike Eman, a comparti su pensamento referente na e problema cu tin cu Venezuela, cu den cierto aspecto, ta afectando nos isla.

E ta comenta cu ora cu bo ta den gobierno, bo tin un responsabilidad hopi importante pa no unicamente atende cu e temanan aki cu ta crea resultado hopi evidente for di e esfuersonan cu bo ta haci riba e plano internacional, pero tambe ta mantene un clima di trankilidad den e relacion cu paisnan den exterior.

Semper a pone un enfasis hopi grandi pa por a mantene un clima constructivo. Por corda na un momento cu tabata tin un disputa entre Gobierno di Hulanda y gobierno Venezolano riba un preocupacion cu Venezuela tabata tin, cu posiblemente of no, esey semper tabata tema di discusion.

Pero di parti di Venezuela, nan tabata di opinion cu avionnan Hulandes a drenta nan espacio aereo sin permiso y e tempo ey minister di Venezuela a haci expresionnan fuerte den direccion di Hulanda. Minister di defensa a haci declaracionnan fuerte den direccion di Venezuela y a surgi un crisis di diferencia di opinion y un tension hopi grandi.

Na e momento ey e minister di relacionnan exterior, Maxim Verhage, tabata haciendo un ruta den Caribe y el a yega Aruba hustamente algun dia despues cu e disputa aki a yega un punto hopi crucial y na e momento ey, gobierno di Aruba a ofrece un intermediacion, invita e tempo ey e consul general di Venezuela na Aruba, Jesus Arias, pa bin na oficina di prome minister.

A papia cu sr. Maxime Verhage. E ora ey a tuma contacto cu Caracas y a hiba algun deliberacion telefonico y te na e momento cu tabata tin e idea y e pensamentonan suficiente comun pa por a yega na un acuerdo, a drenta un avion, pa mas of menos 7’or di anochi, a yega na e Canciyer na Caracas.

E tempo ey, sr. Maduro a yega pa 9’or. A drenta den un dialogo cu e canciyer y pa mey anochi, a firma un acuerdo pa por a resolve e problema di disputa cu tabata tin entre Venezuela cu Hulanda.

A uza e momento ey tambe pa pone algun punto di agenda cu Aruba e tempo ey, refineria ta cera y WEB tabata hopi interesa tambe den conexion di gas pa por baha e prijs di energia di Aruba.

A uza e momento ey di dialogo diplomatico pa no unicamente a resolve e problema di Hulanda cu Venezuela, pero incorpora den dje tambe temanan cu pa Aruba tabata importante y asina acopla den y por mir’e den e acuerdo cu a wordo cera e tempo ey, caminda cu ta bisa cu Venezuela lo duna atencion na e necesidad pa un reapertura di e refineria y tambe lo mira cu un bon wowo e posibilidad pa pone un conexion di gas entre Venezuela cu Aruba.

Ta temanan cu a atende cu seriedad. Con e gobierno actual ta haciendo esey, AVP no ta parti di e dialogo, pues no sa kico ta e motibonan cu nan no por yega na un acuerdo. Eman ta kere cu ta bon si pa duna e gobierno espacio pa haci esey.

Locual cu por bisa si, cu e tema aki di e situacion cu Venezuela, ta un tema di 2016 caba. Tur siman tabata tin reunion di e organisacionnan na Aruba, Warda nos Costa, Cuerpo Policial, Rampenbureau, tur instancia cu ta forma parti di e keten cu si algo sosode, cu ta haya hopi hende cu ta bin Aruba, lo tabata tin un preparacion semanal ta trahando pa por atende cu e tema di esnan cu ta bin y tin bes no ta sali.

Asina, hunto cu Departamento di Iasa, Imigracion, Rampenbureau, KPA, Warda nos Costa y Kustwacht, tabata reuni hopi frecuente riba atende cu e situacion.

Naturalmente no ta duna publicidad, pasobra esey hopi biaha ta crea inkietud of por manda un mensahe no diplomatico pa e bisiñanan. Bo ta haci bo preparacionnan manera debe ser, den forma diplomatico. Hunto cu Hulanda, tabata tin videoconferencesnan practicamente cada dos siman pa prepara riba cualkier eventualidad cu gobierno di Hulanda.

 

- Advertisement -

DUNA COMENTARIO

Please enter your comment!
Please enter your name here