Home General Aruba a yega na un acuerdo cu Venezuela pa manda residentenan local...

Aruba a yega na un acuerdo cu Venezuela pa manda residentenan local back na nos isla

1399
0
SHARE
- Advertisement -

ORANJESTAD (AAN): Segun Ministro Romero, actualmente e paisnan bisiña ta pasando den un impase bastante desagradabel cu e Gobierno Venezolano, debi na nan decision di sera tur frontera cu Aruba, Boneiro y Corsou.

Esaki a crea un tension grandi entre reino Hulandes y Venezuela, mirando cu tin un cantidad di residente di e islanan ABC pega na Venezuela sin por bay back na nan lugar di residencia.

— Ministro Romero.

Despues di basta negociacion cu e Gobierno di Venezuela, a logra acorda cu nan lo permiti salida di e residentenan di Aruba, tanto e ciudadanonan Hulandes, pero tambe esnan cu ta residencia legalmente akinan.

Directie Luchtvaart na Aruba y INAC na Venezuela a logra yega na un acuerdo pa pone tres vuelo cu lo bay trece back e residentenan di nos isla, for di Venezuela.

E vuelonan lo sali for di Valencia, Maracaibo y Las Piedras cu destino directo pa Aruba y lo bay asina te ora cu saca tur nos residentenan for di e pais aki.

Den e comunicacion cu tabatin entre Aruba y Venezuela, a enfatisa den e hecho cu e situacion di nos residentenan local cu ta pega na Venezuela no ta humano.

Teniendo na cuenta cu nos residentenan local cu ta aya na Venezuela, a bay cu un budget pa algun dia, pero awor cu e ceramento di frontera aki logicamente nan placa lo ta cabando of a caba.

Loke nos Gobierno ta sugeri na tur esnan cu tin pensa of plania di biaha pa Venezuela, ta pa warda y no bay pa awor.

Mester corda cu ainda ta existi e situacion tenso entre Venezuela y Caribe Hulandes, pasobra e prohibicion ta vigente keto bay, cual ta haci cu nos Gobierno no por garantisa e seguridad y integridad di esnan cu dicidi di bay Venezuela.

Posiblemente lo por yega na un solucion pa cu e impase aki diabierna awor, pero pa tur seguridad nos ta avisa nos ciudadanonan pa no bay Venezuela den e temporada aki.

- Advertisement -

DUNA COMENTARIO

Please enter your comment!
Please enter your name here