Home Actividad Especial Aruba Summer Music Festival ta trece artistanan mundialmente renombra

Aruba Summer Music Festival ta trece artistanan mundialmente renombra

153
0
SHARE
- Advertisement -

Pa e di cuater edicion:

ORANJESTAD   (AAN) – Diabierna 29 y diasabra 30 di juni 2018, Aruba lo ta cede di e di cuater edicion di ‘Aruba Summer Music Festival’, cu ta conta cu un line-up super atractivo tanto pa Caribe

como tambe pa Latino America y Norte America.

Ta papia aki di: ‘OZUNA, NACHO, EDDY HERRERA, FELIPE PIPE PELÁEZ, VICTOR

MANUELLE Y FONSECA’, artistanan principal cu lo presenta riba stage e dianan ya

menciona, sin lubida nos artistanan local Buleria, D’-Licious y ‘N Fuzion.

Aruba Summer Music Festival ta tuma luga na e ‘Harbor Arena’, cu ta un excelente ubicacion

den e centro di ciudad serca di waf di Oranjestad. E luga aki ta completamente asfalta, cual ta

haci’e ideal pa un concierto bailabel.

Pa Oficina di Turismo di Aruba hunto cu SD Concert y Loco Lobo Productions ta un honor pa

conta cu cada un di e artistanan aki. Nos ta spera un presentacion yena cu bon energia cu lo

contagia tur nos bishitantenan internacional y local cu ta bishita e festival.

Diabierna 29 di juni tin presentacion di Buleria, D’-Licious, ‘N Fuzion, OZUNA y NACHO y

diasabra 30 di juni lo conta cu presentacion di EDDY HERRERA, FELIPE PIPE PELÁEZ,

VICTOR MANUELLE Y FONSECA.

Aruba Summer Music Festival mester remarca cu nos ta conta cu artistanan ganador di varios

premio – y renombre mundial. Cada un di nan a sa di ricibi e peticion pa presentacion aki na

Aruba cu brasanan habri.

Manera Patrick Melchiors di Aruba Tourism Authority ta comenta: “E festival aki a demostra

di ta un evento exitoso internacional y local. Eventonan manera Aruba Summer Music Festival

ta beneficia tanto e organisador, pero sigur Aruba su economia y nos producto turistico. Oficina di Turismo ta sigui midi efecto di e festival y ta keda stimula organisadornan pa produci mas crecemento.”

Aruba Summer Music Festival ta wordo produci pa Loco Lobo Productions, SD Concerts y e

patrocinador oficial ta Aruba Tourism Authority. Produccion general di e festival aki ta den man

di High Performance. Loco Lobo Productions conhuntamente cu SD Concerts no por keda sin gradici nos partner local cu ta haci e festival aki posibel: – Aruba Tourism Authority

Pa Aruba, early bird tickets obtenibel dia 29 y 30 di Januari 2018 na Sandra’s Garden situa na

Linear Park Diabierna 29 Juni General 100 Florin, Standing VIP 175 florin y Diamond Standing

250 Florin y Diasabra 30 Juni General 100 Florin y Standing Vip 175 Florin.

Pa mas informacion bishita www.arubasmf.com , www.aruba.com, of sigui nos riba Facebook

https://www.facebook.com/arubasummermusicfestival

- Advertisement -

DUNA COMENTARIO

Please enter your comment!
Please enter your name here