Home Gobierno Aruba ta bira anfitrion pa prome reunionnan di IPKO 2018

Aruba ta bira anfitrion pa prome reunionnan di IPKO 2018

28
0
SHARE
- Advertisement -

For di dia 9 pa 11 di Januari awor:

ORANJESTAD (AAN) — Parlamento di Aruba ta habri aña 2018 cu un reunion Interparlamentario di Reino Hulandes, conoci como IPKO.

Den entrevista cu mr. Ady Thijsen, Presidente di Parlamento, el a elabora al respecto.

IPKO ta un reunion entre e parlamentonan di Aruba, Hulanda, Curacao y St. Maarten, cual ta tuma luga na un di e partnernan di Reino, den luna di Januari y na Juni lo bay Hulanda.

E biaha aki, Aruba ta anfitrion y cu esaki tin basta trabao pa haci, for di 9 te cu 11 di Januari. Tin un par di topico cu semper nan lo trata, den locual ta concerni e samenwerking den Reino.

E biaha aki a pidi pa no trata e geschillenregeling. Esaki lo tuma luga na Juni. Parlamento di Aruba ta preparando y esaki ta algo bon, mirando e desaroyonan den Reino. Y tambe, mirando cu Aruba mester tin mas contacto cu Hulanda, den ultimo temponan vooral riba e situacion financiero.

Encuanto e nivel parlamentario, lo topa cu otro coleganan. Lo combersa cu e otro parlamentonan tocante kico ta e posibilidad pa hunto sali for di e problemanan.

Mas leu, Sr. Thijsen a splica cu Hulanda a pidi pa no trata e geschillenregeling, ya cu nan tin un gobierno nobo, nan tin un samenstelling nobo, mescos cu Aruba. Door cu tin miembronan nobo, Hulanda a pidi cooperacion, ya cu nan tambe ta haya e topico aki interesante, y ta duna e hendenan mas tempo pa conoce e materia, pa un miho debate na Juni.

Lo enfatiza hopi riba e parti economico y wak con hunto ta yega na otro. Vooral encuanto e poco desaroyo di e islanan. Esaki ta interesante pa tur e islanan y tambe pa Hulanda, door cu e parti di  Islanan BES ta toca Hulanda.

Den e reunion di IPKO, ora cu topa den e reunionnan aki ta hopi cos ta wordo papia tambe p’afo di e reunionnan, mirando cu ta sinti cu tin un crisis den Reino, anto esey ta un topico cu tur kier papia cu otro, door cu ta haya tur e delegacionnan hunto. Lo papia cu otro pa tin comprension pa prepara pa Juni.

Reino Hulandes no por keda funciona na e manera cu e ta, cu e toolsnan cu tin. Nan mester yega na consenso cu otro y Sr. Thijsen ta kere cu por yega na un rol grandi den esaki.

“Esaki apesar cu Aruba tin problemanan financiero grandi, pero cu nos pais por sali di dje. Aruba ya caba a tuma cierto posicion caba, pa loke ta trata integridad, mester zorg pa nos estado di derecho funciona manera cu e mester ta, Parlamento mester funciona manera mester ta” sr. Thijsen a expresa.

Institutonan manera Raad van Advies y Algemene Rekenkamer mester haya nan sosten. Y esaki ta e caminda cu nan kier cana, hibando un situacion financiero sano.

“Si Hulanda semper ta bisa cu esey ta e caminda cu nan kier pa Aruba cana, nos ta can’e”. Sr. Thijsen a bisa cu hopi enfasis, cu mester pone Aruba su posicion constitucional den Reino. “Aruba despues di a bira un pais autonomo na 1986, den e delaster ocho añanan, el a manera tambalea. Kico ta Aruba su posicion? E no ta manera Corsou of St. maarten, ya cu Aruba tin Status Aparte for di 1986. Ta bon pa Aruba reestablece su posicion y asina nos ta sigui cana den Reino manera cu mester ta”, segun presidente di Parlamento, mr. Ady Thijsen.

 

 

 

 

 

- Advertisement -

DUNA COMENTARIO

Please enter your comment!
Please enter your name here