Home arte y espectaculo Aruba ta cla pa ricibi MACHIKA di Jeon y J Balvin

Aruba ta cla pa ricibi MACHIKA di Jeon y J Balvin

282
0
SHARE
- Advertisement -

ORANJESTAD (AAN): Diabierna ta wordo lanza desde Los Angeles e cancion nobo “Machika” di J Balvin, Jeon, y Anita.  Un cancion cu ta bay pone mundo bira aun mas conoci cu Aruba y su artista Jeon.  E maquinaria di promocion cu lo tin tras di e cancion Machika ta uno di alcance global, y e ta un di e poco oportunidad grandi cu e industria turistico di Aruba lo haya na man di Jonathan ‘Jeon’ Thiel.

Diaranzon anochi riba e plaza di ex-John F. Kennedyschool, un multitud di invitado tabata presente pa e acto oficial unda Machika a wordo lanza na Aruba, y a scucha discursonan elocuente di Ministro Dangui Oduber, como tambe CEO di ATA, Ronella Tjin Asjoe-Croes, y di su propio tata Robert Thiel.

Ora cu publico a haya un preview di e videoclip y cancion cu lo wordo estrena Diabierna na Los Angeles, ta hopi hende a sinti un emocion grandi.  DIARIO ta mira cu Jeon lo bay bira e artista grandi cu lo pone spotlight riba su isla, y mundo henter lo conoce su habilidad di compone, canta, y di aregla cancion.  Den edicion di Diabierna, DIARIO lo bin mas amplio riba e anochi importante pa Jeon, cu su Machika. E potret ta ilustra Jeon mey-mey di su mama y tata, y mas di e acto oficial.

- Advertisement -

DUNA COMENTARIO

Please enter your comment!
Please enter your name here