Home Parlamento AVP a mustra cu loke cu a pasa awor cu Venezuela a...

AVP a mustra cu loke cu a pasa awor cu Venezuela a cera frontera, a sosode den pasado caba

97
0
SHARE
- Advertisement -

ORANJESTAD (AAN): Kisas hopi hende no ta corda, pero loke cu Presidente Nicolas Maduro a haci awor, ya caba Aruba a pasa den algo similar den pasado. Esaki ta loke a bini dilanti den e conferencia di prensa di AVP unda cu a hiba palabra Arthur Dowers, ex Minister di Husticia y actualmente Parlamentario di e fraccion berde.

E problema cu Aruba ta confronta awe cu Venezuela, e Parlamentario a bisa, “nos a confronta esaki den pasado. Mi mes a pasa oranan largo den discusion cu Venezuela, entre otro Minister di Relacionnan Exterior. Nos a worde menaza na tur nivel y e tempo ey tabatin un persona di Venezuela cera aki na Aruba. Nan a cera e fronteranan pa algun ora y despues nos a logra di habri esakinan back. Mi ta spera cu esey lo logra aworaki tambe.”

El a sigui bisa cu nan tabata na altura di e situacion di contrabanda, entre otro a denuncia loke ex Minister di MEP Booshi Wever tabata haci. Pa lucha contra e contrabanda a lanta un taskforce y a logra detene varios persona cu tabata contrabandea cu gasolin for di Venezuela.

Tambe a lucha contra e problema di koper y a cera e mercado completamente y a tuma e decision cu solamente esnan cu tin e permisonan necesario por importa of exporta koper na Aruba y e tempo ey e negoshi di e tipo aki a para completamente. A registra tur hende cu ta exporta koper y e lista aki a worde manda pa Ministerio Publico y Polis.

Pues tur e temanan cu a bini dilanti, a traha riba nan caba y nan a worde debidamente atendi. Tin cosnan cu pa motibo di siguridad nacional no por worde divulga, pero tin hopi trabao a worde haci caba.

Pa combati e ilegalidad a pone Kustwacht funciona optimalmente y hasta a pone e radar extra na Colony pa cubri e “blind spot” cu tabata existi antes. Asina a logra cubri henter e teritorio nacional. Tambe tin un proposicion cla cu a keda riba mesa pa un radar adicional, y cual ta compatibel cu e radarnan existente caba. Solamente e Minister di Husticia mester aprobe.

 

- Advertisement -

DUNA COMENTARIO

Please enter your comment!
Please enter your name here