Home Deporte Awenochi lo tin un reunion importante di Aruba Softball Bond

Awenochi lo tin un reunion importante di Aruba Softball Bond

9
0
SHARE
- Advertisement -

ORANJESTAD (AAN) – Awenochi 31 di Januari lo tuma lugar un reunion pa e pre seleccion softball masculino. Esaki lo ta pa 7. 30pm sharp na residencia di Endy Croes.

Aruba Softball Bond a inicia aña 2018 bastante activo. Bestuur di ASB a tene 2 reunion den Januari efectuando preparacionnan necesario pa diferente actividadnan conforme nan plan.

Un parti di programa di ASB ta pa prepara un selecion masculino kendenan lo mester bay representa Aruba 1 pa 9 di Juni na Monteria Colombia den campeonato di CONSURSA.

Manera ta conoci WBSC cu ta e organisacion mundial esta World Baseball and Softball Confederation a inicia cu un protocol recientemente di puntacion cual lo determina un posicion riba tabla mundial esta di ranking.

Pa weganan na Colombia esaki ta uno valido y paisnan miembro mester participa pa bin na remarke y subi ranking mundial. ASB lo bay splica tur detayes durante reunion di pre seleccion.

ASB ta hasi un apelacion na tur hungadornan cu a wordo invita pa dicho reunion pa acudi y asina por compromete cu e plan total di preparacion cual lo inicia e promer siman di Februari. Softball lo bay ta conosiendo un dimension diferente den 2018.

Pre seleccion ta wordo jama basa riba average y performance di campeonato 2017 y alaves experiencia di hungadornan den combinacion cu talentonan hoben cu lo mester bay carga nos seleccion den futuro cercano.

- Advertisement -

DUNA COMENTARIO

Please enter your comment!
Please enter your name here