Home Salud AZV a pone abogado riba e caso di pacient cu a fayece...

AZV a pone abogado riba e caso di pacient cu a fayece na Bucaramanga

506
0
SHARE
- Advertisement -

ORANJESTAD (AAN): E siman aki AZV a reacciona riba e publicacion di DIARIO di Diasabra cu a pasa, encuanto e pacient cu a fayece na Bucaramanga y cu su curpa ta pega na Colombia.

AZV a emiti un comunicado den cual nan ta menciona cu manera ya ta conoci, AZV generalmente no ta sali cu informacion di pashent den prensa pa motibo cu como organizacion nan ta mara na secrecia medico.

Ta solamente den casonan hopi limita y excepcional, unda e pashent mes y of su famia ta sali den medionan di comunicacion cu nan banda di medaya -y asina nan mes ta renuncia nan privacidad- AZV tambe ta duna informacion tocante e caso.

Caso hopi excepcional:

Ta asina cu den e caso specifico aki, e pashent a fayece despues di a yega na Colombia pa ricibi tratamento. AZV a worde notifica di su fayecimento pa medio di e departamento Internacional di e hospital. E departamento aki na mes momento a informa AZV cu segun procedimento di autoridadnan Colombiano, e curpa ta worde tuma den beslag door di autoridadnan forensico pa identifica e curpa y haya sa motibo di e fayecimento.

Tardanza:

Conforme e informacion cu AZV a ricibi, te cu Dialuna ainda e autoridadnan Colombiano no por a identifica e curpa. E factor aki ta contribui na e tardanza pa trece e curpa back Aruba y Organo Ehecutivo AZV a pone e caso aki den man di un abogado.

   Palabra di condolencia:

“Como AZV nos ta lamenta e caso y ta extende nos condolencia pa e miembronan di famia di e defunto. Ta di spera cu pronto autoridadnan Colombiano lo resolve e caso aki” e comunicado a termina cune.

- Advertisement -

DUNA COMENTARIO

Please enter your comment!
Please enter your name here