Home Salud AZV ta satisfecho con 2017 a progresa

AZV ta satisfecho con 2017 a progresa

22
0
SHARE
- Advertisement -

ORANJESTAD (AAN): AZV a ranca sali 2017 cu e notificacion di e practicanan di dokter cu a cambia.

Segun Solange Tchong di AZV, tabata tin traspaso automatico di pashentnan di dr. Yolanda Dennert, cu a bay pa un dokter. di cas, nobo, cual ta dr. Audrey Wever. Tabata tin traspaso automatico di pashentnan cerca dr. Glenn van Tright cu a bay over pa dr. Joaquin van Trigt y dr. Roza Vogel, na Januari 2017.

Tambe tabata tin un practica cu a cambia y cu tabata hopi necesario pa splica tabata esun di dr. Edwin de Cuba, na Santa Cruz, cu a bira un groepspraktijk, dus un practica cu mas dokter. Den e caso aki ta dr. Charlotte van Horenbeek, cu a bay traha tambe cerca e practica di dr. Edwin de Cuba. Esey tabata na comienso, e cambionan mas grandi cu tabata tin.

Despues tabata tin un momento historico pa AZV, cu tabata 23 di Februari, unda cu pa prome biaha den AZV, a logra firma un contracto cu e Asociacion di Boticarionan di Aruba. Motibo di esaki ta, cu AZV a worde introduci na 2001, pero tabata te na 2017 pro a yega na otro y porfin tin un contracto concretisa y firma. Esey pa AZV, tabata un momento historico segun Señora Solange Tchong.

Tambe na Februari 2017, AZV a firma un colaboracion cu SVB Corsou, unda cu ta papia di colaboracion ariba e compra di cuido medico, unda cu ta intercambia diferente idea di kico como islanan Aruba y Corsou por haci cu otro.

Ademas di esaki, den transcurso di aña, na Maart, AZV a hay’e hopi di e discusion ariba e introduccion di voucher na Colombia, ora cu AZV a dicidi di no duna e aporte di AZV pa loke ta cuido medico den exterior. Pa Colombia, esaki ta rond di 20 Dollar cu nan ta duna e pashent y/o su acompañante social.

Esaki a bira un discusion grandi, unda cu hopi no a gusta e introduccion di voucher. Pero AZV a laga esaki toch, y despues di algun siman nan a dicidi di evalua esaki y introduci e ora, entrante comienso di April 2017, e introduccion di Debitcard cu ta un otro sistema.

Den e transcurso di e prome kwartaal di 2017 te cu April 2017, a evalua hopi kico tabata e critica cu tabata tin, no solamente ariba e voucher, pero tambe e opcionnan cu tabata tin di restaurant y cantina di hospitalnan na Colombia.

Y a amplia esaki cu’n lista hopi mas grandi, caminda cu awo tin entre 50 pa 75 diferente localidad, tanto cantina di hospital, como restaurantnan na unda e cliente, e asegurado di AZV por acudi awo ora e ta na Colombia pa su cuido medico.

Esey tabata puntonan di mehoracion cu tabata tin, di parti AZV segun Señora Solange Tchong, relacionista publico di AZV.

 

- Advertisement -

DUNA COMENTARIO

Please enter your comment!
Please enter your name here