Caso di atraco na Saliña Cerca a resulta di ta djis un pleito

ORANJESTAD(AAN): E informe a drenta rapido na Polis.  Tabata algo prome cu 2’or di diamars merdia, patruyanan di Noord a worde dirigi na un cas na Saliña Cerca, caminda bisiña a wak algun hende drenta un cura di cas cu cuchio den man.

Mesora e patruyanan a bay cu urgencia, cu sirena na e dicho cas.

Polis a yega atento y cla pa drenta den accion.  Pero na yegada na e cas di dos piso, a bin realiza cu no tabata un atraco!  Pero e ta mas bien un problema di pareha cu a bay for di man.

Polisnan presente a calma e situacion y ora cos a calma a splica nan tambe cu tin caminda diferente pa cana y atende cu situacion di problema entre diferencianan di opinion pareha. Finalmente e melding di atraco no tabata un atraco.