Home Labor Cesantia ta un ley cu ta compensa e trahador di sector priva...

Cesantia ta un ley cu ta compensa e trahador di sector priva door di retiro inhustifica so

123
0
SHARE
- Advertisement -

Entrevista cu Ir. Edwin Jacobs, director SVb:

ORANJESTAD (AAN) – Matutino DIARIO a entrevista Ir. Edwin Jacobs, Director di Sociale Verzekeringsbank (SVb), tocante dos servicio cu nos comunidad ta pidi pa nos trece mas den publicidad.

Ta trata aki di e Ley di Cesantia como tambe e compensacion di AO durante dos aña y na ki momento e por conta pa un pacient.

DIARIO ta trece dilanti un articulo pa cada tema.

LEY DI CESANTIA.

Nos a puntra Ir.Jacobs kico e ley di Cesantia ta encera y con e ta funciona:

“Cesantia ta un ley cu ta regla e compensacion pa un trahador den caso cu e ta haya retiro di trabao, sin cu e tin culpa pa su retiro.

“E trahador ta haya e derecho aki na momento cu e tin un aña of mas den servicio. E ley di Cesantia ta conta solamente pa sector priva. Trahadornan publico of esnan cu tin un status igual e ley di cesantia no ta conta pa nan. Pues lo cual ta importante den e cesantia ta e retiro sin cu e trahado tin culpa den esaki”, Ir. Jacobs a splica.

Ir. Jacobs a señala ademas, cu si un persona ta wordo retira di inmediato pasobra el a comete un infraccion, conforme ley e no tin derecho riba cesantia.

Con e pago di Cesantia ta tuma lugar?

Ir. Jacobs: “E prome yama pa paga cesantia ta e dunador di trabao. Den practica bo ta mira cu ora un dunador di trabao ta desea pa un trahador sali for di su servicio, e ta ofrece un pakete cu minimo ta igual na su cesantia, pero por lo general e tin cu ofrece mas cu esaki.

E Legislador, ora cu el a traha e Ley di Cesantia, tabata conciente cu tin momentonan unda cu un trahador ta perde su trabao pero e dunador di trabao no ta den condicion di paga su cesantia. Esaki ta e caso ora un empresa bay den bancarota, of e ta haya suspension di pago door di huez, of simplemente ora e no por cumpli mas cu su obligacionnan financiero.

“Bancarota y suspension di pago ta a base di sentencianan den Corte. Pero suspension di no cumplimento di obligacionnan financiero, tin cu wordo determina mediante un investigacion”.

Na ki momento ta haci uso di e Fondo di Cesantia?

Ir. Jacobs: “Pa garantiza cu un trahado bao di tur circunstancia por haya su cesantia, e ley a institui e fondo di cesantia cual administracion ta den man di SVb.

Na e fondo aki e dunador di trabao tin e obligacion di contribui pa cada trahador den su servicio riba 1 di Januari di e aña ey, un contribucion di 40 florin pa aña. E fondo ta uno financieramente solido y saludable”.

Pues solamente den e tres situacionnan menciona ariba, e trahador por bay SVb pa su pago di cesantia.

Ir.Jacobs a agrega cu sa pasa cu e trahador ta  cerca SVb pa intermedia cerca e doño di trabao. “Nos ta hacie y ora e relacion entre e dunador di trabao y e trahador ta asina deteriora cu e ta cobre via SVb”.

Cuanto eigenlijk e trahado por spera como pago di Cesantia?

Ir. Jacobs: “E suma di cesantia ta depende:

1 Salario

  1. Cantidad di añanan di servicio.

“ Pa e prome diez añanan di servicio, e trahador tin derecho riba un cesantia di e salario di un siman pa cada aña. Di añanan 11 te cu 20 di servicio, pa cada aña un siman y un cuarto salario anual. Y 20 aña of mas ta dos biaha e salario semanal.

Den e caso di e fondo di Cesantia ta aplica un salario maximo pa siman, di 2.025 florin.

“Di parti di SVb di e cesantia cu e ta paga ta retene 15% di loonbelasting, 5% di prima di AOV y AWW den caso cu e persona no a yega edad di pension ainda, y 1.6% di prima di AZV. Pues 21.6 porciento ta wordo kita for di e cesantia”, Ir. Edwin Jacobs a conclui.

Pa mas informacion por bishita www.svbaruba. org. Bay bay na e pagina di trahado, sector priva, scoge Cesantia.

 

 

- Advertisement -

DUNA COMENTARIO

Please enter your comment!
Please enter your name here