Home Deporte Clinica pa instructor y umpires cu instructor internacional

Clinica pa instructor y umpires cu instructor internacional

10
0
SHARE
- Advertisement -

ORANJESTAD (AAN) – Aña 2018 a habri y por tuma nota cu Aruba Softball Bond a cuminsa mobilisa y ta activo di inmediato. Despues cu teamnan miembro a escohe un directiva nobo e directiva a inventarisa tur proyecto y a cuminsa eherce nan trabao mesora.

Dentro di poco lo jama reunion cu atletanan tanto di pre seleccion femenino y masculino  kendenan lo inicia cu nan preparacion pa compromisonan internacional den 2018.  Tin un Plan 2018 hopi pisa unda lo percura pa desaroya softball riba tur nivel. Den cuadro di esaki ASB ta treciendo un instructor di umpire pa duna un clinica na tur umpiresnan cu ta interesa. Lo bay tin un clinica pa umpires cu instructor internacional di WBSC di  22 pa 26 di Januari.

Debi cu durante ultimo Congreso Mundial na Botswana Africa miembronan a aproba diferente cambio den reglamento a bira sumamente importante pa trece un instructor pa actualisa nos umpiresnan local.

Tambe ASB ta hasi un apelacion na managers y coaches di tur teamnan miembro di ASB pa por acudi na e seccionnan aki.

Esaki lo duna nos managers y coaching staff mas conocemento y por traspasa e conocemento aki na hungadornan y asina evita discusion riba aspectonan cu no mester. Hunto lo hiba deporte di softball pa un otro nivel.

Pa mas informacion a respecto e clinica di umpires por tuma contacto libremente cu miembro di bestuur di ASB  Estefano Croes na 5949894  of coordinador di umpire Zuleyka Willems na 5932721.

- Advertisement -

DUNA COMENTARIO

Please enter your comment!
Please enter your name here