Home Impuesto Departamento di Impuesto lo pone mas enfasis riba compliance

Departamento di Impuesto lo pone mas enfasis riba compliance

22
0
SHARE
- Advertisement -

ORANJESTAD   (AAN): Recientemente Departamento di Impuesto tabata den parlamento caminda cu e departamento tambe tabata forma parti di e tratamento di ley di presupuesto supletorio.

Luenne Gomez-Pieters, directora di e departamento a conta cu nan rol semper ta pa asisti minister di finansas durante e tratamento di presupuesto, den e caso aki e presupuesto supletorio y si tin presupuesto 2018.

Si tin pregunta riba e tereno di cobramento di impuesto, riba maneho di departamento di impuesto y cualkier otro pregunta, ta nan rol, hunto cu directie financien, pa asisti e minister di finansas, cu e conocemento di cifranan cu nan tin.

E maneho cu nan ta hiba. Den e caso aki a trata di presupuesto supletorio 2017, caminda cu a menciona y e ta algo berdad cu ta carga nan preocupacion. Entradanan di Loonbelasting y BBO, no ta manera presupuesta.

Esey tin di haber cu diferente motibo. Economia tampoco no a duna e crecemento cu a spera ora cu a stipula e presupuesto, determina e presupuesto y tambe ora cu mira e entradanan di Loonbelasting, BBO y compliance riba e tereno aki, cu ta mira como departamento cu esey tambe ta algo cu lo por mehora, lo mester mehora den e añanan cu ta bin. Si ta conta cu 8 mil cliente pa BBO, ta mira cu no ta tur hende ta entrega e aangifte cu nan ta haya uitgereikt.

Un ehempel ta cu nan ta cla caba cu e paketenan pa 2018. E pakete di Loonbelasting, di BBO, ta cla poni y ta mira cu no tin movecion di parti di e cliente pa bin busca su pakete. Por ta ta den temporada di fiesta, ningun hende ta pensa riba impuesto.

Ta warda te cu Januari, ora cu aña bolter pa por busca e pakete. Kier si stimula e clientenan pa asumi nan responsabilidad pa loke ta entrega di formularionan di impuesto, caminda cu ta bin busca e formularionan, si mester buscanan y ora di haya e formulario, ta entrega esakinan y e entrada di impuesto, e pago di impuesto manera mester ta.

Esey ta algo cu ta bay enfoca mas riba dje e aña cu ta bin, pa mehora e compliance. Pa informa e pueblo cu tin cu paga na un manera debido pa nan sa kico ta wordo spera di nan, pa asina e entradanan riba tereno di loonbelasting y BBO por cana segun cu por presupuesta esaki.

Retraso den pago di impuesto

Segun Luenne Gomez-Pieters, a cuminsa traha riba e pago di impuesto. Por corda, tempo cu a cuminsa na 2015, tabata tin un suma habri di cobransa cu a manda di 2.2 biyon. A bin ta baha esaki structuralmente.

Awo e ta na 1.6. Ta bezig ta trahando si riba e tereno ey pa por cobra e cobransanan cu tin caba cu a manda pa e cliente. Loke cu a papia anteriormente ta compliance, ta un paso prome cu esey, unda cu e cliente ta haya e formulario di impuesto y no a entrega esaki at all, of no a haci e pago corespondiente tampoco.

Eynan e proceso ta bay cuminsa cu ta bay manda un cobransa. E cobransa ta bin cu un boet. Si e cliente no paga e cobransa ni e boet, e ta haya un aanmanning. Si e no worry cu e aanmanning aki tampoco, e ta drenta den invordering y aki ta caminda cu por pone beslag.

Den e trayecto ey, por mira cu na e prome paso caba tin problema, den sentido cu e clientenan no ta cumpli cu nan aangifte plicht, of betalingsverplichting y na momento cu e aanslag wordo opgelegd, ta tarea di Departamento di Impuesto pa cobra esaki den un termino stipula.

 

- Advertisement -

DUNA COMENTARIO

Please enter your comment!
Please enter your name here