Home Impuesto Departamento di Impuesto y Aruba Bank a cera alianza pa “online payment”

Departamento di Impuesto y Aruba Bank a cera alianza pa “online payment”

27
0
SHARE
- Advertisement -

ORANJESTAD  (AAN): Departamento di Impuesto a bin ta colabora pa varios luna caba cu tur e cinco banconan na Aruba pa por mehora su servicio na cliente y mehora pagonan di e clientenan via e sistema online.

Awe cu hopi sentimento di alegria y satisfaccion, por menciona cu Aruba Bank ta e prome banco cu a keda cla cu e rekisitonan pa loke ta online payment y ta lansa, hunto cu Aruba Bank awe, nan sistema nobo pa loke ta pago online.

Segun directora di Departamento di Impuesto, Luenne Gomez-Pieters, semper e clientenan por haci uzo di online payments. Solamente e parti cu e cliente tabata mira tabata un caminda cu nan por a yega nan descripcion di pago y tambe e suma cu nan ta paga, sin cu lo por a duna otro informacionnan adicional tocante di e pago. Esaki a bin ta remarca na tur cinco banco na Aruba, caminda cu pa Departamento di Impuesto cu tin cu verwerk e pagonan, y pa e banco, lo duna un alivio tremendo pa asina ey por duna un miho servicio tambe na e clientenan cu ta paga.

A bay sinta na mesa y despues a yega na diferente gruponan di trabao y a bin delinea conhuntamente cu Aruba Bank, kico ta bira e rekisitonan y con lo kier mira esaki den futuro.

Awe a lansa e online payment system caminda cu e clientenan lo haya un dropdown di tur e impuestonan cu lo por paga via e sistema online di banco, lo por pone un persoonsnummer, un betalingskenmerk. Naturalmente e suma cu ta wordo paga, caminda cu un tiki mas specifico e cliente por haci un transferencia di pago via e sistema online.

Departamento di Impuesto ta contento cu e logro aki. Esaki tambe ta algo cu nan a bin ta reconoce door cu clientenan a duna feedback na cuminsamento di aña. Por corda cu tabata tin e deadline di pago pa impuesto di vehiculo di motor, caminda cu a sosode cu tabata tin rijnan basta largo di hende cu a paga online y despues a dura hopi largo pa nan por a haya nan sticker.

Debidamente sistemanan cu no tabata comunica cu otro of procesonan cu no tabata delinea di e manera cu por a duna un servicio hopi mas lihe. A tuma e critica aki na serio y a bay di biaha man na obra pa por a duna un miho servicio na e clientenan. Esaki ta e prome banco cu a keda cla.

Ta sumamente contento cu e colaboracion di e dos ekiponan, di parti di departamento di impuesto y tambe di Aruba Bank. Ta trabaonan duro cu tin tras di lomba, pero sigur lo beneficia e clientenan cu ta haci pago di impuesto via e portal online y despues den futuro caminda cu por reduci e rijnan y reduci tambe e tempo di espera pa nan por haya nan sticker of nan comprobante di pago.

 

- Advertisement -

DUNA COMENTARIO

Please enter your comment!
Please enter your name here