Home Salud Departamento di Salud Publico ta alerta riba casonan di Sarampi

Departamento di Salud Publico ta alerta riba casonan di Sarampi

284
0
SHARE
- Advertisement -

Alerta pa tur esnan cu ta viahando

ORANJESTAD   (AAN): Den aña 2017 diferente pais Europeo a wordo confronta cu casonan nobo di measles (sarampi).

Region di Merca a raporta diferente caso cu a wordo importa, Venezuela tin epidemia y recientemente un isla den Caribe tambe a raporta un caso importa di cual e turista a biaha durante e periodo di incubacion cu ta e periodo unda e virus ta mas contagioso.

Measles ta un virus hopi contagioso cu ta wordo transmiti di hende pa hende atraves di gotanan cu ta keda den aire na momento cu e persona infecta tosa of nister. Sintomanan di measles ta encera.

– Keintura halto 40 grado of mas

– Tosamento

– Rash (despues di 3 pa 5 dia cu e prome sintomanan cuminsa)

– Mancha blanco den boca

– Dolor di joints

– Kliernan hincha.

Complicacionnan cu por desaroya pa motibo di measles ta pulmonia, infeccion di horea y tin biaha infeccion di celebro. Ta tarea di Departamento di Salud Publico pa alerta communidad y biaheronan riba e situacion aki mirando cu e region di Caribe y Aruba ta den high season unda cu hopi turista ta bin di bishita for di tur parti mundo haciendo e posibilidad pa un caso di measles keda raporta na Aruba uno mas grandi. Biaheronan cu ta bay di bishita na paisnan unda cu e virus ta presente tambe ta wordo alerta pa proteha nan mes.

Pa reduci e posibilidad di keda contagia cu e virus di measles ta necesario pa vacuna contra measles por lo menos 2 siman prome cu bo ta bay biaha pa un pais unda e virus ta presente.

E vacuna aki ta disponibel na seccion di Malesanan Contagioso di Departamento di Salud Publico pa fl 60,- for di 7:45 pa 11:45 y di 1:15 pa 3:30 di dialuna pa diabierna. Pa informacion tocante vacunacion pa mucha bou di 4 aña por tuma contacto cu seccion di Cuido Salud Hubenil na 5224200.

Ta haci un suplica na tur biahero cu despues di regresa di biahe presenta e sintomanan ariba menciona pa busca atencion medico mes ora. Tur caso sospechoso di measles mester wordo raporta na seccion di Malesanan Contagioso.

Pa mas informacion por tuma contacto cu Departamento di Salud Publico na 5224200 of sigui nos riba nos Facebook page Directie Volksgezondheid pa keda informa.

 

- Advertisement -

DUNA COMENTARIO

Please enter your comment!
Please enter your name here