Home Gobierno Dia 22 di Januari lo haya sa si directiva di Lotto ta...

Dia 22 di Januari lo haya sa si directiva di Lotto ta keda of ta bay

11
0
SHARE
- Advertisement -

ORANJESTAD(AAN): Minister Dangui Oduber a splica cu e ta lamenta e situacion di Lotto Pa Deporte. E miembronan di directiva no kier pone nan funcion disponibel na Gobierno.

Tempo cu Gobierno di AVP a drenta gobierno, e prome decision cu conseho di ministronan a tuma e tempo ey, e carta tabata di 2 di November di 2009, tabata dirigi pa tur miembro di Raad van Toezicht di tur overheids NV di gobierno, pa tur fundacion di Gobierno, pa pone nan posicion disponibel pa gobierno, pasobra tin un cambio di gobierno y gobierno nobo ta desea di apunta su hendenan di confianza.

E tempo ey, tur miembro di directia, di tur fundacion y overheids nv, a cumpli cu peticion di gobierno y voluntariamente a entrega nan funcion, pone disponibel pa gobierno. En cambio na 2017, e mesun carta a bay pa e departamentonan di gobierno a bay pa tur e miembronan di board entrega nan retiro, mirando cu tin un gobierno nobo, teniendo cuenta cu e gobierno nobo kier pone nan hendenan di confianza y bo ta haya e caso di Lotto.

Esnan den e board a kere cu nan a worde nombra pa bida largo. Cu no tin ningun hende pa move nan, nan a dicidi pa bay corte, a lanta un caso. Ta pendiente pa e sentencia di huez. Dia 22 di Januari e sentencia mester bin. No por imagina cu hues lo prohibi gobierno pa apunta su miembronan di hunta directiva nobo, mirando cu den e statuut di Lotto mes ta para cu ta gobierno ta nombra su bestuursleden y Gobierno ta distitui esaki.

Ta haya lamentable cu nan no kier brinda e pocision y ta stroba e minister di deporte pa hiba su maneho. A pidi jaarrekening. E ultimo cu a haya for di nan ta di aña 2012 y esaki ta duna motibo pa cuestiona esnan cu a forma parti di Raad van Toezicht y asina por bin compronde pakico nan no kier sede nan funcion y pone nan funcion disponibel na e minister, pasobra ta hopi cos di scondi den Lotto pa deporte.

A bisa esaki na mas cu un ocasion, cu placa di deporte no tabata bay pa deporte, sino uza pa cumpra camara di siguridad pa miembronan di raad van toezicht, pa biaha, etc. E destino di e placa tabata worde uza pa otro proposito cu no tabata deporte.

 

- Advertisement -

DUNA COMENTARIO

Please enter your comment!
Please enter your name here