Home Salud Dr. Arthur Vallejo mustrando cu Gobierno tin un plan pa drecha y...

Dr. Arthur Vallejo mustrando cu Gobierno tin un plan pa drecha y mehora salud na Aruba

31
0
SHARE
- Advertisement -

ORANJESTAD (AAN); Tin hopi inkietud den comunidad, cu finalmente a logra yega den un gobierno di cambio, kico ta e plannan y con ta reestructura e plannan den otro.

Dr. Arthur Vallejo, ta consehero di Minister di Salud.

Gobierno actual tin un plan di gobernacion cu tin e puntonan importante cu tin di sigui. Den e puntonan importante tin e seccion di salud, cu ta papia di e plan di prevencion, cu ta algo cu a core campaña cun’e pa varios luna caba. Esaki ta e prome biaha cu ta basa ariba evidencia.

Basa den evidencia na unda, cu Dr. Arrango, cu a dedica hopi tempo den Bus di Salud y ademas di esey, e tabata tin e capacidad di sirbi un poblacion di 22 mil, unda cu el a registra datonan importante di nan poblacion. Ta trata di datonan di cancer, presion halto, diabetes, obesidad y tambe malesanan cronico.

Dr. Arrango ta bezig ta trahando un buki pa Aruba, y kisas e ta un di e prome publicacionnan, di un profesional, cu den su tempo priva a haci y desaroya e buki pa e comunidad di Aruba, cual ta un logro grandi. Dr. Arrango ta traha hunto cu Dr. Vallejo a base di informacion real. Hopi biaha gobiernonan ta bay cu feasibility plan, cu ta costa miles di Florin. Despues ta bay pa aprobacion di algo cu kisas ta bolbe costa miles di Florin. Pero Dr. Vallejo y Dr. Arrango ta traha nan plan a base di estudionan haci.

E estudionan aki, haci ariba 22 mil hende pa cuminsa forma e base di e plan cu nan kier. Nan kier haci uzo di e MFA-nan, cu tin hopi espacio pa remodela esakinan. Den un forma no drastico ni grandi, cu no ta costa hopi placa, pero hunto cu profesionalnan den region, cu ta tin problema cu nan BIG, pa crea centronan di prevencion inicialmente. Esaki ta algo cu por haci den un costo relativamente abao, pero algo cu e lo kier wak esaki, segun Dr. Vallejo, desaroya pa nan ta den centro di atencion primario.

Ultimamente tabata tin keho, di emergencia cu tin hopi persona cu kisas tin un urgencia, pero no ta un emergencia di bida y morto, pero ta yena e sala di espera, strobando otro hende cu si mester di atencion na e momento nan ey. Pero e personana aki no por worde mira como estorbo, nan tambe tin un cierto urgencia, nan tambe mester worde atendi. E emergencia toch ta importante pa un dokter por waknan y evaluanan.

Esaki ta un punto unda cu mester trece e cuido medico mas cerca di e comunidad. Y un forma cu nan kier haci esaki, ta pa e centronan aki, cu eventualmente lo haci e parti di prevencion, lo bira e centro di atencion primario pa e comunidad, segun Dr. Arthur Vallejo.

 

- Advertisement -

DUNA COMENTARIO

Please enter your comment!
Please enter your name here