Home Parlamento E edificio di John F. Kennedy School tin un balor historico pa...

E edificio di John F. Kennedy School tin un balor historico pa Aruba

23
0
SHARE
- Advertisement -

Parlamentario Jennifer Arends-Reyes

ORANJESTAD (AAN): Segun Parlamentario señora Arends-Reyes e edificio di John F. Kennedy school ta un di e prome edificionan cu ta riba e caminda principal ora cu turista caba di yega Aruba.

Un di e edificionan sigur cu a yega ora di worde renoba, amplia y modernisa ta esun di John F. Kennedy. Un edificio cu tin su balor historico y no merece di keda den e estado cu e ta awor, un edificio cu lo mester pone tur dependance di departamento di Enseñansa bou di un solo dak.

Tambe e edificio lo yuda pa e coordinacion di e trabaonan cu mester pasa na beneficio di Enseñansa. Diferente edificio historico bou di signatura di AVP cu por worde considera como un icono of monumento manera entre otro e Watertoren, La Salle College, Museo Arkeologico, e ex- edificio di Belasting cu ta di Dimas awor a worde renoba.

E edificio di John F. Kennedy y esun di DOW tabata dos edificio cu tabata den planning pa a worde realisa.

Esun di John F. Kennedy tabata un cu a haci un ehercisio riba dj’e pa wak si por hinca e dependancenan di Departamento di Enseñansa bou un solo dak di un edificio renoba, restaura y e costo di huur pa haci esaki posibel via AIB (Aruba Investment Bank) Vastgoed n.v. y el a sali budget neutral pues no ta suppose di tin costo adicional vs locual ta pagando na huur priva.

Sra Arends-Reyes por a tuma nota cu ta keda awor na e gobierno nobo pa wak si lo sigui cu e proyecto aki cu sigur lo ta  uno cu lo tin un beneficio agrega pa entre otro Enseñansa y Turismo di pais Aruba.

- Advertisement -

DUNA COMENTARIO

Please enter your comment!
Please enter your name here