Home arte y espectaculo E temporada di workshops na Cosecha a cuminsa pa 2018

E temporada di workshops na Cosecha a cuminsa pa 2018

24
0
SHARE
- Advertisement -

ORANJESTAD (AAN):  E aña aki atrobe Cosecha lo brinda publico diferente workshops den e centro creativo di Cosecha cu ta situa na San Nicolas. Pa cuminsa e temporada di workshops pa 2018 lo tin diasabra dia 27 di januari dos workshops.

Cosecha conhuntamente cu e artesana Romelinda Maldonado lo organiza un workshop di Mandala Canvas Painting, unda publico por sinja pinta e disenjo grafico di Mandala cu espacio pa expresa su mesun creatividad.

E workshop aki ta di 11:00 am te 2:00 pm y ta costa 45,00 Florin incluyendo material y refreshments.

E di dos workshop dia 27 di januari ta esun di Owl on Driftwood. Cosecha ta ofrece esaki hunto cu e artesana Maja Lepsanovic. Maja ta traha cu driftwood y e ta bay sinja publico con pa traha cu e material aki husando verf y klei.

E workshop aki ta di 3:00 te 5:00 y ta costa 65,00 Florin inclujendo material y refreshments.

Inscripcion ta tuma lugar na Cosecha San Nicolas of na Cosecha Oranjestad. Pa mas informacion por tuma contacto cu Cosecha San Nicolas na telefoon 587-8708 of Cosecha Oranjestad na telefoon 587-8709. Tambe por manda un email na arubacosechasn@gmail.com.

Pa mas informacion pa cu Cosecha, por bishita e Facebook page di Cosecha: www.facebook.com/Aruba-Cosecha.

- Advertisement -

DUNA COMENTARIO

Please enter your comment!
Please enter your name here