Home Salud Entrante Awe, Service Lab Xpert ta bira Laboratorio di Servicio

Entrante Awe, Service Lab Xpert ta bira Laboratorio di Servicio

134
0
SHARE
- Advertisement -

ORANJESTAD (AAN):  E Aruba Growth Fund & Botica di Servicio ta contento di por anuncia e expansion di e compania su portofolio cu e adkisicion nobo di e laboratorionan clinico di Service Lab Xpert.

E union nobo ta trece cune un cambio di nomber. Di awo en adelante, Service Lab Xpert lo hiba e nomber Laboratorio di Servicio, afilia sercamente cu e cadena di botica conoci como Botica Di Servicio.

E laboratorionan actualmente ta duna trabou na diez miembro di staff altamente entrena y experiencia, incluyendo un Chemista Clinico y Boticario certifica, fundador Arubiano Dr. Robert Wever. E ta sosteni pa un ekipo di tecnico di laboratorio medico cu ta prepara pa suministra cualkier test y contesta preguntanan detaya, cu un sonrisa amable, y tur esaki durante oranan special extendi di operacion.

Segun Dr. Wever: “Despues di a caba mi residencia den Chemie Clinico na un di e miho hospitalnan na Hulanda, e Hospital Universitario na Utrecht, mi a regresa bek pa yuda mi pais. Como un boticario y chemista clinico, mi a trece cas conocemento ultra moderno riba medicina di laboratorio. Mi a uza e conocemento aki pa provee bon servicio y yuda dokternan compronde e posibilidadnan di testnan di laboratorio, y pa asisti e Landslaboratorium pa bira e laboratorio di referencia na Aruba. Despues, Medical Laboratory Services na Corsow a aserca mi pa bira nan specialista di laboratorio. Denter di un anja, nos a logra di acredita MLS pa e Conseho Hulandes di Acreditacion, como e prome laboratorio medico den Caribe Hulandes pa ricibi un logro asina prestigioso.

Realisando cu e otro laboratorionan a keda enfoca riba formanan bieu di haci test y nan no tabata creando acuerdonan cu e dokternan cu a manda haci test, mi a lansa Service Lab Xpert na 2012, basa riba algun principio solido; servicio, calidad y inovacion.

Durante e ultimo 5 añanan, a logra di crea e miho laboratorio na Aruba, usando hendenan local y ekipo ultra moderno cu bo ta haya solamente na Hulanda y na Merca. Como un laboratorio nobo, nos a logra di guia dokter y AZV mes pa selecta miho testnan pa nan pashentnan y na un miho prijs.

Mi tata semper a recorda mi di e hecho cu tur hende riba e isla di Aruba tin un derecho indiscutible pa ricibi e miho cuido posible; ta mi compromiso na boso cu mi lo haci mi maximo esfuerso pa provee e nivel di cuido aki. Na SLX, awo Laboratorio di Servicio, nos ta lucha pa bira e miho laboratorio den Caribe; y cu un partner financiero fuerte cu hopi experiencia den e sector di cuido di salud, Aruba Growth Fund, awo nos lo haci hustamente esaki.”

Laboratorio di Servicio ta dedica na haci testnan clinico, ademas di obtene informacion corecto y confiable tocante e salud di su clientenan, y despues comunicando efectivamente cu tur dokter di cas pa loke ta trata diagnose, tratamento y prevencion di malesa.

E ta para pa servicio atento, na ora y testnan confidencial di laboratorio, aplicando e ultimo avansenan scientifico y practicanan inovativo y sigur.  Sofistica y rapido. Ademas di traha cu hopi dokter di cas local, Laboratorio di Servicio tambe ta yama bon bini na esnan cu ta cana drenta sin cita, clientenan cu no ta cubri pa AZV, y turista.

E laboratorio ta ofrece un variedad grandi di test cu ta analisa quimica clinico, hematologia y microbiologia, yudando pashentnan y dokternan pa sinja mas tocante diabetes, anemia, malesa lipido, malesa sexualmente transmiti, problema di klier, parasitonan, etc.

E compania ya baya tabata operando na cuater ubicacion strategico, cu e laboratorio principal na Eagle, net banda di Dr. Algera, ademas di operacionnan na e oficina di Dr. Morales-Thuis, Jones & Dirksz, banda di Tempo na Oranjestad, na Dokter Pieterse su clinica na Ponton, y na Dokter Wijngaarden su clinica na Paradera.

A caba di habri un prikpost completamente nobo den e edificio di Botica di Servicio Seroe Preto. Mas apertura di laboratorio ta planea pa e aña benidero.

Algo unico ta cu Laboratorio di Servicio ta garantisa resultadonan rapido, denter di cuater ora. E eficiencia aki ta posible danki na e tecnologianan mas inovativo, ekipo moderno y practicanan ultra moderno, resultando den un producto cu ta superior den tur sentido. De hecho, e tabata e prome laboratorio priva pa provee resultado online na dokternan cu a manda haci test, asina tambe reduciendo e tempo di reportahe cu un cantidad di ora.

E Aruba Growth Fund, propietarionan di companianan manera Hilton Aruba Caribbean Resort & Casino, Botica di Servicio y Op=Op Voordeelshop, ta determina pa continuamente introduci producto y servicio di calidad na e comunidad Arubiano, tambe den e industria di cuido di salud. Como un compania completamente Arubiano, funda pa inversionistanan Arubiano, e ta enfoca riba inverti den negoshinan local, contribuyendo na e isla su bienestar.

 

- Advertisement -

DUNA COMENTARIO

Please enter your comment!
Please enter your name here