Home Salud Esfuerzo ta sigui pa soluciona e problema di Boiler na Hospital

Esfuerzo ta sigui pa soluciona e problema di Boiler na Hospital

16
0
SHARE
- Advertisement -

ORANJESTAD(AAN): E sistema di boiler di Hospital cu a causa problema ta paga awor aki y cosnan ta ok. Teo de Kool cu ta director di Hospital, a splica cu hunto cu SOGA, Hospital ta buscando un solucion definitivo. Tin algun idea, tin mas facil cu otro.

Esun mas lihe ta un solucion cu por worde realisa den un of dos siman, pero no sa si esaki lo resulta. Dos dia pasa e contratistanan a cuminsa traha back. Ta spera cu awo por yega na un solucion permanente y cuanto lo bay dura prome cu e worde realisa. Tin otro solucionnan cu ta mas complica y cu sigur lo por yega na un solucion. Pero esey por dura 6 siman pa 2 luna, prome cu eseynan worde ehecuta.

DIARIO a compronde, cu pa pone e boilernan na un otro luga, por dura algun tempo. Esey por ta un solucion, mirando cu varios cos mester worde haci, manera cambia e coriente entre otro.

Adicional lo bay bin cu e cambio di e compleho di salanan di operacion, cual lo sosode mas durante aña. Awo pa bay realoca e boilernan, y cambia e cambernan di operacion, ta solucion di un problema grandi. Ta mirando pa busca solucionnan permanente cu por pas den e situacion final di henter e compleho.

Tin di corda cu Hospital tin varios necesidad. Si nan kier traha den un bon esfera cu SOGA. Si mester pensa cu nan mester keda traha hunto pa mas di 25 aña. No ta pasobra cu ora e compleho ta cla, nan ta libra di SOGA. Nan ta keda como doño.

Ta bon pa keda mantene e bon cooperacion. Si ta asina cu hospital, cu su experiencia den maneha un hospital, ta mira cierto cosnan cu SOGA no sa. SOGA no ta haya netjes pa worde sorpresa pa cosnan cu nan no a premira. Den un otro banda, si tin asuntonan cu ta relevante si cierto cosnan kier adicional. E ora mester tin bon rason pa esey.

Si ta spera cu SOGA por scucha na un bon manera y si mester bin cu un propuesta, mester wak esaki y no bisa directamente cu ta un cambio contrario na e programa, e ora no por. Tur propuesta cu worde haci, ta worde bon analisa y ta spera cu tur hende cu ta envolvi por mira esaki na un manera serio y wak particularmente si e ta un bon propuesta si e ta necesario pa e worde haci, na luga di tin un efecto negativo riba e presupuesto. Den pasado a yega di bin cu propuestanan cu tabata hopi positivo riba e presupuesto. Ta spera cu tur propuesta worde haci, worde tuma na serio, segun de Kool.

 

 

- Advertisement -

DUNA COMENTARIO

Please enter your comment!
Please enter your name here