Home Politica Gobierno lo bay elimina varios beneficio cu AVP a duna pueblo

Gobierno lo bay elimina varios beneficio cu AVP a duna pueblo

527
0
SHARE
- Advertisement -

Fraccion di AVP: Despues di Green Corridor

ORANJESTAD  (AAN):   Despues di shete siman como gobierno nobo, gabinete Evelyne Wever Croes ainda no a presenta ni un solo decision cu por mustra cu nan ta trahando pa pueblo, trahando pa pone e hende central.

Fraccion di AVP ta mustra cu den e periodo inicial aki e accion mas concreto tuma pa gobierno di POR-MEP-RED ta retiro di mas cu 200 mama y tata di famia como parti di un persecucion politico increibel y cruel.

Sin piedad y sin ningun clase di remordimento gobierno di coalicion a dicidi di manda un grupo grandi di hende cas, lagando e hendenan aki sin entrada y cu cantidad di problema pa wordo resolvi den lunanan cu ta bin.

Ya caba Minister Oduber a dicidi di anula varios decision tuma pa gabinete Mike Eman II y diamars ultimo a haci un intento pa manca e proyecto di Green Corridor y ta un tendencia cu por bay spera mas den e dianan  cu ta bin.

Un preocupacion grandi pa hopi hende den comunidad ta si gabinete Wever Croes lo bay suspende y elimina tambe tur loke Gabinete Mike Eman a duna na esunnan cu situacion mas debil den comunidad.

Si sigui e curso cu gobierno ta hibando na e momentonan aki, lo no ta un sorpresa cu dentro di poco lo bay na elimina “Reparatietoeslag” cu a duna hopi den pueblo un espacio financiero pa hala rosea of lo elimina tambe pago di schoolgeld y lo keda aumento duna na pensionadonan pa nan tin un tiki mas espacio pa cubri gasto di tur dia.

Tur hende tin cu pone atencion riba esaki pa mira si gobierno actual lo sigui cu su esfuersonan pa torpedia tur proyecto di Gabinete Mike Eman I y II pa asina trata di desacredita un gobierno cu a goberna ocho aña pa pueblo.

Aki no mester lubida cu durante ocho aña di gobernacion di MEP, trahadonan publico a mira nan placa di vacacion wordo gevries y no a conoce indexering pa hopi aña te ora cu Gabinete Mike Eman I a bin restaura e derechonan aki.

Tur cos ta mustra cu e actual gobierno ta riba mesun rumbo aki  di kita for di pueblo loke nan a ricibi cu tur derecho den ultimo ocho añanan.

 

 

 

 

- Advertisement -

DUNA COMENTARIO

Please enter your comment!
Please enter your name here