Home Gobierno Gobierno ta habri pa scucha personanan cu ta sinti cu inhusticia a...

Gobierno ta habri pa scucha personanan cu ta sinti cu inhusticia a wordo cometi cu nan

19
0
SHARE
- Advertisement -

Prome Minister Wever-Croes:

ORANJESTAD (AAN) – Prome Minister sra. Evelyn Wever-Croes a enfatiza den conferencia di prensa, Diahuebs mainta, cu e personanan envolvi den e nombramentonan invalido haci pa gobierno anterior durante su etapa demisionario, a haya un carta unda nan ta wordo splica kico exactamente a sosode.

Tambe e hefenan di departamento a haya un carta unda ta wordo mustra kico ta e situacion. Nan ta wordo bisa tambe cu si nan ta kere cu esaki ta basa riba ekivocacion, of si ta hendenan cu nan mester den nan organizacion y a pasa e proceso di solicitud normal, tin un vacante pa e puesto y esaki a wordo yena pa e persona idoneo, gobierno lo reconsidera e decision.

Esaki pasobra gobierno kier percura pa den Cuerpo di Ambtenaar, tin hendenan bon capacita pa e trabao. Esaki ta conta pa tur hefe di Departamento.

Gobierno a haya algun peticion for di nan, y tur ta admiti cu e eror a wordo cometi door di Mike Eman, door di su gobierno y su gabinete. Nan no a regla e asunto di esnan concerni na tempo y awor nan tin e problema.

E mandatario a subraya cu e por compronde e ambiente politico cu a wordo crea cu esaki, pero e ta haci un yamada na esnan concerni pa no laga nan wordo lastra den e lodo cu nan ta lastra nan mes. Si nan ta sinti cu inhusticia a wordo cometi cu nan, semper tin caminda pa cana y semper gobierno ta habri p’esey, pasobra p’e e hende ta central.

Na señor Eman e ta bise cu si enberdad e tin pueblo na pecho, si di berdad e tin e personanan aki na pecho, anto drenta Parlamento, para aden, defende y representa esnan cu a dune e 8  mil y pico votonan cu el a haya. Para un banda, grita, zapatea pero ora momento di berdad ta yega e ta core, no ta yuda ningun hende. E dama a expresa cu esaki no ta compara cu tur e retonan grandi cu nos pais tin su dilanti.

“Ora e dos muchanan chikito a wordo mata cruelmente, nos sistemanan a faya di detecta esaki.  Nos tur ta sinti cu nos por a haci algo pa, por ta, evita esey. Pero nos no hacie y e ta cambia full e perspectiva. E politica anticua di sr. Eman, pueblo a rechaza. Aworaki tur hende ta wak padilanti cu miras na e cambio pa trece bienestar”, Prome Minister sra. Wever-Croes a conclui.

- Advertisement -

DUNA COMENTARIO

Please enter your comment!
Please enter your name here