Home Policial Grupo di 38 a sali for di Coro y 19 lo a...

Grupo di 38 a sali for di Coro y 19 lo a muri despues cu boto a kibra

1694
0
SHARE
- Advertisement -

Venezolanonan sin bida haya na Koraal Tabak Corsow

ORANJESTAD  (AAN): Ayera henter dia a keda circula e informe relaciona cu varios curpa sin bida haya na costa na Corsow. For di medionan di comunicacion di e isla ruman, a haya e informe aki cu ta indica cu den oranan tempran di mainta, prome cu 8’or, autoridad a bay Koraal Tabak unda a topa 2 persona sin identificacion y cu nan a keda deteni pa ta sospechoso di a drenta cu lancha.

Autoridad a sigui busca den e area y a bin topa cu 3 curpa sin bida y un tiki mas leu un otro curpa, pa un total di 4. Ta trata akinan di 2 hende homber y dos hende muher y nan tabata parcialmente bisti.

Un investigacion a inicia rond di e caso aki. E curpanan tabata den bon estado ainda, locual a mustra cu nan no tabata tin hopi tempo morto.

Mas informe, no oficial ainda, ta mustra cu a topa cu partinan di un boto kibra. Esaki a duna indicacion  cu  e boto cu lo a sali di Coro, Estado Falcon, lo a kibra cu nan na costa y cu algun persona lo a logra salba nan bida pero otronan no.

Informe cu DIARIO a haya ta cu den e boto tabata tin 38 persona y nan tabata rumbo pa Corsow. E boto a boks y a kibra den dos. Ta papiando akinan di posiblemente 19 morto y e resto ainda ta desapareci. E pasaheronan di e boto lo ta personanan menor di 30 aña, segun un mensahe cu a circula via broadcast tanto na Venezuela como na Aruba. Riba potret por mira un potret di e website Loop News di Corsow.

- Advertisement -

DUNA COMENTARIO

Please enter your comment!
Please enter your name here