Home arte y espectaculo Gustave Nouel a comparti su ‘secretonan artistico’ cu henter Hulanda

Gustave Nouel a comparti su ‘secretonan artistico’ cu henter Hulanda

17
0
SHARE
- Advertisement -

ORANJESTAD (AAN): E pintor profesional cu ta bibando na Deventer (Hulanda), esta Gustave Nouel procedente di Aruba, ta un persona hopi respeta y admira pa su obranan di arte.  Awor pa 2018, el a dicidi pa comparti su experticio cu tur demas pintor na Hulanda.

Ya caba den su temporada di estudio, el a cuminza desaroya su tecnica internacional di ‘sketch riba caya’, y pa esey awor tin masha hopi interes, incluyendo hubentud.  E ta wordo mira door di hopi hende como un di e artistanan mas conoci di Caribe.  Gustave Nouel awor cu placer ta bay comparti su experiencia di ‘street sketching’ y su ‘secretonan artistico’ cu talentonan y pintornan interesa riba tur nivel.

Artistanan for di rond Hulanda awor por bay haya e chens na Royal Talens Experience Centre na Apeldoorn, Hulanda.

Diahuebs 18 di Januari 2018, e lo duna for di 6:30 pm te cu 10:00 pm, un workshop di ‘straat schetsen’ pa tur nivel na Royal Talens Experience Centre.

El a wordo invita door di Royal Talens pa bay duna un JAZZ-ART Masterclass tambe na esnan mas avanza.  Esaki lo ta dianan 3, 10, y 17 di Februari 2018 for di 1:30 pm te cu 5:00 pm.

E conocido musico Arubano, Delbert Bernabela a pone su mes disponible pa ta modelo pa e JAZZ-ART Masterclass di Gustave Nouel, pa toca tur tipo di instrumento.  Delbert mes ta un exitoso y conocido musico den Caribe, y ta mira esaki como un reto pa asina expande su tereno jazzy pa Europa, cu e speranza di por comparti su musica cu resto di mundo.

- Advertisement -

DUNA COMENTARIO

Please enter your comment!
Please enter your name here