Hedging a beneficia Aruba hopi y WEB principalmente

    104
    0
    SHARE
    - Advertisement -

    Luis Oduber di WEB:

    ORANJESTAD  (AAN): E asunto di hedging ta algo cu hopi hende aclareacion riba dje. Tin di compronde cu tabata tin fecha cu e mester a caba y el a caba. E tabata tin su bon y su malonan, el a beneficia Aruba hopi y WEB principalmente.

    Segun director y CEO di WEB Aruba NV, Luis Oduber, tabata tin un contrato vigente na un prijs mas halto cu a termina na December 31 y den palabracion cu gobierno, semper a wordo dicidi prome cu a bay na e siguiente paso, prome cu tuma un decision, mester tin aclareacion riba e parti eynan.

    Den consulta cu Utilities NV, mirando cu WEB ta raporta na Utilities, hunto cu Gobierno, a duna e mandato cu WEB por sigui cu e proceso di hedge.

    A base di esey a bin ta monitorea e prijsnan continuamente y a tuma e decision na fin di December, cu a mara e prijs na e prome tres lunanan na 56 dollar pa bari. Locual ta nifica cu e prijs maximo cu ta bay paga pa e prome tres lunanan ta 56 dollar pa bari. E tipo di hedge cu tin awor aki ta mara e prijs maximo.

    No e prijs mas abao. Bisando esey si mañan e prijs di crudo of heavy fuel oil, cual ta productonan cu ta wordo mara, baha bay na 30 of na 0 mes, ta saca probecho y lo paga e prijs averahe di e luna ey.

    Si e prijs mester subi bay pasa 56 dollar, ta keda paga 56 dollar. Esey ta pa duna espacio pa bay fiha e programa cu ta bay sigui pa loke ta hedging.

    Pa aclarea, tin diferente hedge. E ta un instrumento financiero cu ta wordo uza hopi caminda door di hopi empresa, hopi negoshi, tanto na Aruba como afo. E ta mas pa bo fiha bo prijsnan. Tin diferente manera di hedge.

    Por pone un prijs maximo, caminda cu ta paga un cierto suma riba dje. Bo por mara e prijs na e prijs vigente na e momento ey. E ora bo ta paga un suma hopi menos. Pero esey ta marabo cu si e prijs mester baha, bo ta keda mara na e prijs eynan tambe.

    Locual cu tin awor aki ta un maximo. Semper e prijs si e baha, WEB lo saca bentaha di dje. Di un otro banda, bo ta paga un tiki mas. Tambe tin otro aspecto di esey den cuanto periodo bo ta hedge. Bo ta bay pa 1 luna, 2 luna, 12 luna y tambe e cantidad.

     

    - Advertisement -

    DUNA COMENTARIO

    Please enter your comment!
    Please enter your name here