Home arte y espectaculo Hoben Arubiano den Musical na Hulanda

Hoben Arubiano den Musical na Hulanda

98
0
SHARE
- Advertisement -

ORANJESTAD   (AAN):  Den e articulo aki ta pone atencion na e  artista Arubano Nigel Brown (34) cu pa varios aña ta briya riba escenarionan grandi  y  importante na Hulanda.

Cu apenas 2 ana  Nigel y su mama a bay Hulanda unda el a crece. Originalmente e ta di San Nicolas.

Na Hulanda, Nigel a haci Conservatorium Inholland na Alkmaar.

Na aña 2007 Nigel a participa den famoso programa IDOLS y a finalisa na puesto 4 entre e centenares di participante nan.

Den The Voice of Holland 2011, el a logra e premio di cuarta finalista.

Den teatro Nigel a cuminsa na 2011 den e obra R&B ’90 y a keda invita pa ta e actor importante den e obra musical  “JEANS”. Cu “JEANS” el a tour 4 aña rond di Hulanda, actuando den tur e teaternan mas importante.

E ultimo 2 aña nan Nigel ta e actor importante di e famoso musical THE LION KING cu a kibra tur record di musicals na Hulanda. Den THE LION KING  e tin e rol principal di SIMBA.

Ta bon pa menciona cu Nigel ta sumamente orguyoso di ta Arubiano y esaki e ta expresa den tur programa na radio y television Hulandes.

Aruba por ta orguyoso di su yiu di tera Nigel Brown cu pa e siguiente aña nan no ta pensa pa stop sino lo ta activo den e mundo farandulero na Hulanda, unda cu e mundo aki ta e trabao oficial pa artista nan.

Den futuro tambe Nigel ta planea pa bin Aruba y brinda su talento musical cu e hoben nan y pueblo en general.

Pa mas informacion por bishita su instagram account http://instagram.com/nigelbrowmusiq of tambe su facebook page  Facebook.com/nigelbrownmusiq.

- Advertisement -

DUNA COMENTARIO

Please enter your comment!
Please enter your name here