Home Parlamento Importante pa sa cual areanan lo haya mas prioridad den implementacion...

Importante pa sa cual areanan lo haya mas prioridad den implementacion di e Sociaal Crisis Plan

31
0
SHARE
- Advertisement -

Marisol Lopez-Tromp

ORANJESTAD (AAN): Lider di fraccion di POR den Parlamento, Marisol Lopez-Tromp a comenta riba e topico di Sociaal Crisis Plan cu Gobierno a anuncia cu nan a aproba pa loke ta e parti social.

Tin casonan grave den ramo social na Aruba, manera tabata e caso di e dos muchanan cu a fayece aña pasa. Pesey mes Gobierno a pone como prioridad cu lo pone un suma riba presupuesto di Pais Aruba pa bay atende cu e parti social y dune prioridad.

Como miembro di Parlamento, Lopez-Tromp lo desea di haya sa cual ta e areanan cu lo bay haya mas prioridad teniendo na cuenta cu tin hopi topico manera ta derechonan di nos muchanan, nos hubentud, nos hende grandinan, esnan cu ta sufri malesanan cronico, famianan den dificultad, entre hopi otro.

Pesey e ta haye importante pa den e Comision Fiho di Parlamento pa loke ta e parti Social, Salud, Famia y Hubentud pa invita e diferente instancianan concerni pa acudi na Parlamento pa duna informacion mas detaya riba kico pa nan mes ta e prioridadnan cu durante e prome aña di gobernacion mester worde atendi di biaha.

Marisol Lopez-Tromp ta bisa cu e ta kere cu un di e topiconan sigur lo ta derecho di nos muchanan pa nan ta sigur den tur aspecto y pa nan no worde maltrata, abusa ni neglisha.

“Nos ta ancioso pa sa kico ta e siguiente rapportnan of documentonan cu a bin despues cu e Crisis Plan a worde presenta pa bay den e fase di ehecusion di e plannan y tambe nos kier wak kico ta loke lo bin riba presupuesto di Pais Aruba den e luna nos dilanti pa por ehecuta esakinan tambe”.

- Advertisement -

DUNA COMENTARIO

Please enter your comment!
Please enter your name here