Home Actividad Especial KvK ta organiza business plaza ‘Step Forward!’ pa yuda negoshinan crece

KvK ta organiza business plaza ‘Step Forward!’ pa yuda negoshinan crece

33
0
SHARE
- Advertisement -

ORANJESTAD (AAN): Dia 20 di Januari KvK lo organiza un biaha mas e evento Business Plan – Step Forward! Orario di e evento ta di 9’or di mainta te cu 2’or di atardi na KvK.

E meta di Business Plaza – Step Forward! ta pa brinda informacion y guia na e empresario cu ta desea di expande su liña di producto of servicionan y cu por ta kier restructura nan negoshi of tin intencion pa expande cu mercado internacional.

Topiconan interesante cu lo wordo presenta e dia aki ta entre otro expansion di un empresa, con pa maneha bo administracion, seguro pa bo empresa y proyecto di un incubador comercial.

Lo bay ta presente conseheronan di KvK y tambe diferente representante di departamento economico pa duna consulta y brinda informacion encuanto lanta un negoshi. Un danki ta bay na e patrocinado principal di e evento cu ta Compliance & Forensic Services Caribbean.

E agenda pa e dia lo ta como siguiente ta cuminsa cu discurso di presidente di KvK; presentacion di Compliance & Forensic Services Caribbean; Sra. Zulema Dabian-Erasmus di Exprodesk; “Expansion story of an entrepreneur” door di sra. Ivone Simon-Andrade; presentacion di sra. Julie Kelly di Departamento di Labor.

Lo tin un pauze cu oportunidad di networking. E lo sigui cu presentacion di sr. Herbert Diaz: “A well-run administration”; presentacion di sr. Randall Croes: “Insurance for companies”; presentacion di sr. Michael Lampe y sra. Bianca Peters “Incubator project”. Tur presentacion lo tuma luga den e Auditorio di KvK.

Tambe tin e oportunidad pa haya diferente informacion via un consulta personal cu conseheronan di KvK, consulta pa permiso di negoshi cu conseheronan di DEZHI y un consulta priva pa negoshi cu conseheronan di Exprodesk.

No perde e oportunidad aki lo  tin hopi informacion importante pa tur empresario cu tin su negoshi y tin intencion serio den sigui crece. E evento ta brinda oportunidad na e empresario pa reforza su lasonan comercial sin importa den ki sector. Lo tin diferente snacks y bebida gratis pa refresca durante e evento.

Business Plaza – Step Forward! ta completamente gratis pero ta importante si pa registra di adelanta pa sigura bo luga durante e presentacionnan. Pa cualkier pregunta y/of mas informacion, por tuma contacto cu KvK.

 

- Advertisement -

DUNA COMENTARIO

Please enter your comment!
Please enter your name here