Home General Ladronnan tin area di Tarabana hopi tortura

Ladronnan tin area di Tarabana hopi tortura

30
0
SHARE
?
- Advertisement -

Hortando di auto pafo di Funeraria y tambe Restaurant…

ORANJESTAD (AAN): Cu criminalidad ta halto na Aruba, no ta un secreto. Y ultimo lunanan aki por nota cu hopi di esaki ta pasando den area di Tarabana y Cumana.

Recien DIARIO a haya sa cu e mesun anochi cu ladron a kibra horta den autonan staciona pafor di Funeraria eybanda, nan a horta den auto para pafo di un Restaurant banda di rotonde di Dadelstraat tambe.

Esey ta loke e doño di Sultan Restaurant a confirma tambe!  Den menos di dos luna ya caba doño di Sultan ta bira victima di malhechornan.

Sr. Antoin, doño di Sultan Restaurant a splica cu cuater di su clientenan a bira victima di ladronnan, incluyendo su mes señora, cu ta como sifuera e ladronnan ta haci bofon di e polisnan.

E negoshi a inverti den camara di siguridad, pa asina e hortamento den auto bira minimo. Ultimo temponan e restaurant ta hopi popular y den oranan druk, autonan ta para mas pabao di bushalte, unda cu ta poco scur. Practicamente e malhechornan sa cu ta dificil pa e camara capta nan.

A yega na e punto, cu no kier haci mal publicadad pa mesun establecimento, pero e ta haci yamada na gobierno, pa haci algo na e problema aki. Su clientenan ta bira victima di ladronicia y polisnan no por haci nada, paso nan no a wak ken a break in den e auto. Ta compronde esey, pero mester haci algo.

Loke mester haci ta extra lus, a pone camara y Sr. Antoin no ta pidi esey, e ta exigi esey, como pagado di belasting.

Su siguridad y siguridad di cada ciudadano di Aruba ta un derecho estatal. Si no tin esey, pakico ta paga belasting. Fin di luna si gobierno ta exigi pa e paga belasting, awel e tambe ta exigi siguridad.

E area mester iluminacion y tambe camara. Si gobierno no tin presupuesto den esey, Sr. Antoin por asisti den esey. Aunke no ta su responsablidad pa ilumina caminda. Paso ta tres cas pabao di e negoshi.

Ta gobierno su responsabilidad pa zorg pa siguridad di su ciudadanonan. Ta henter e area ta sufri na man di e criminalnan. E caso aki no tin atencionn di polis ya cu e no tin incidente personal. Pregunta ta si ta warda mester warda pa algo mas pio pasa? Sr. Antoin ta bisa cu mester traha preventivamente.

Durante campaña a priminti siguridad pa un y tur. Ta tempo pa nan cumpli tambe, segun doño di e restaurant Sultan, Sr. Antoin.

- Advertisement -

DUNA COMENTARIO

Please enter your comment!
Please enter your name here