Home Gobierno Lo bay reorganisa cas di Aruba na Hulanda

Lo bay reorganisa cas di Aruba na Hulanda

100
0
SHARE
- Advertisement -

ORANJESTAD: — December ultimo a keda acorda pa Conseho di Minister e reorganisacion di Cas di Aruba.

Segun Minister Plenipotenciario Guillfred Besaril “ na momento cu mi persona a yega Hulanda mi a realisa hopi lihe cu nos ta papiando di un organisacion cu ta funciona na un manera demasiado administrativo y no ta duna espacio pa e tareanan cu en principio Arubahuis mester ehecuta den cuadro di e maneho di e Gabinete Wever-Croes, pues poniendo e hendenan central.”

Minister a sigui splica cu door cu hopi di e actividadnan ta sosode na un forma administrativo, tras di un bureau, cu esey no ta e contesta pa e diferente preocupacionan cu nos tin den practica. Por ehempel, elabora riba e situacion di nos hobennan cu ta bay studia.

Tin e critica cu ta dificil pa haya contacto cu e departamento di enseñansa na Arubahuis. Y tambe ta pensa di structura di tal forma cu na Aruba tambe e funcion di Arubahuis por ta conoci.

“Na momento cu mi a sinta como minister, mi a puntra pa cierto dossier cu normalmente ta den mi area di trabou. Pa asina aki bo sa cu ken bo ta sinta na mesa y con bo tin cu atende cu e persona cu bo ta sinta cu ne politicamente. Tampoco no tawata tin un figura manera un politieke liaison, cu por ta begeleid bo den persona, cu bo ta atende cu ne como politico.”

Enfasis a wordo poni riba e cambionan cu mester tuma lugar pa asina Minister Besaril por haci su trabou manera debe ser. Y un di e cambionan aki ta tambe e edificio di Arubahuis cu ta den hopi mal estado. Pa evita e gastonan exorbitante pa cu e renobacion di Arubahuis, Conseho di Minister a tuma e decision di muda Arubahuis fisicamente pa un otro edificio pa asina tambe duna inicio na un funcionamento adecuado conforme e exigencianan di aña 2018.

Minister Besaril a elabora cu cambionan pa cu e structura di Arubahuis ta importante. “Cada minister pa nan por funciona manera debe ser, su departamento, edificio como servicionan di personal mester ta bon structura y fuerte pa asina aki por brinda e miho servicio.”

- Advertisement -

DUNA COMENTARIO

Please enter your comment!
Please enter your name here