Home General Maduro a extende e prohibicion pa un tempo indefini

Maduro a extende e prohibicion pa un tempo indefini

543
0
SHARE
- Advertisement -

ORANJESTAD  (AAN): Venezuela a extende e ceramento di e fronteranan cu Aruba, Bonaire y Corsow un biaha mas, pero awo pa un tempo indefini. Si tin un acuerdo entre e partidonan envolvi, pero presidente Maduro no kier firma, te ora cu e islanan tuma rienda di e contrabando cu ta sali for di Venezuela, na su antoho.

Maduro a cera e frontera un siman y mey pasa. Segun e, tin hendenan ta bay e islanan ABC den un forma ilegal, pero tambe ta contrabandea droga, arma y materia prima. Desde e momento ey, e presidente a keda alarga cada biaha e prohibicion cu tres dia.

Deliberacionnan entre representantenan di e islanan, Hulanda y Venezuela, no a yega na un solucion. E delegacionnan a yega, segun e gobierno di Corsow diabierna, na un acuerdo pa asina habri e fronteranan, pero pa un acuerdo definitivo, ainda mester di e firma di Maduro.

Venezuela si ta duna excepcion na viaheronan cu a keda atras. Di e manera aki e vacacionistanan Venezolano cu ta riba un di e islanan, por bula bay bek Venezuela, mescos cu e habitante di e islanan, cu no por a sali for di Venezuela. Pa esey a pone extra vuelonan disponibel.

 

- Advertisement -

DUNA COMENTARIO

Please enter your comment!
Please enter your name here