Home Gobierno Maneho pa mata cacho mester ta mas digno

Maneho pa mata cacho mester ta mas digno

58
0
SHARE
- Advertisement -

Prome Minister Evelyn Wever-Croes:

ORANJESTAD  (AAN): “E forma con nan ta mata bestia na e kill cage ta totalmente inaceptable. Mesora cu mi a tuma nota di e criticanan den prensa mi a pidi Minister di Salubridad Dangui Oduber su atencion y e ta trahando riba dje. Den nos programa di gobernacion nos a inclui un capitulo riba e tema aki”, segun Prome Minister Evelyn Wever-Croes.

Basicamente e 3 puntonan aki ta importante:

(1) Concientisa tur hende cu un cacho bo mester cuide. Y no ta bon cu ora bo fada di dje bo ta lag’e atras eynan pa e wordo mata

(2) E matamento mester bay na forma mas digno

(3) Mester ubica e luga di mata cacho otro caminda y no meymey di bario habita.

Otro punto cu segun Prome Minister mester traha riba dje ta pa implementa e ley di cacho cu a pasa Parlamento algun aña pasa pero no ta wordo ehecuta. Gobierno anterior a institui un plataforma pero no a duna e plataforma e sosten cu mester pa realmente logra algo.

“Nos gobierno ta diferente. Nos ta bisa loke nos ta haci y nos ta haci loke nos ta bisa. Nos lo trece aden e miho expertonan pa yuda nos cu esaki. Y berdad tin varios persona ta bisa nos cu tin hopi otro tema cu mester haya prioridad den nos pais awo aki. Esey ta berdad, pero nos no por sigui tolera e forma cruel cu e kill cage ta opera.

Ghandi a yega di bisa cu e grandesa di un nacion por wordo husga na e forma cu e animalnan den e nacion ta wordo trata, y aki ta di acuerdo cu esaki” segun Prome Minister Evelyn Wever-Croes.

 

 

- Advertisement -

DUNA COMENTARIO

Please enter your comment!
Please enter your name here