Home Policial Marina Hulandes a yuda intercepta 1.600 kilo di cocaina

Marina Hulandes a yuda intercepta 1.600 kilo di cocaina

331
0
SHARE
- Advertisement -

ORANJESTAD (AAN): Un cargamento grandi, cu riba caya na New York lo tin un balor di $128 miyon, a wordo intercepta den Caribe door di barco di Marina Hulandes.

E barco Zr.Ms. Van Speijk net riba Bispo di Aña Nobo a intercepta 1.600 kilo di cocaina.  E droga tabata scondi abordo di un barco di carga nabegando bao bandera di Tanzania, y cu tabata rumbo pa Republica Dominicana.  Esaki tabata e di dos captura grandi di droga dentro di dos siman.  Dia 22 di December caba, Van Speijk a captura un speedboat tipo Gofast cu abordo 550 kilo di cocaina.

Tabata e helicopter NH-90 cu tin abordo, cu a descubri e barco di carga sospechoso riba prome dia di Pasco.  Esey a pone cu Zr.Ms. Van Speijk a cuminza vigila e barco aki di leu, core scondi su tras anochi, y mainta a dicidi di bay abordo hunto cu e Boardingteam di US Coast Guard.

Ora cu e prome buskeda no a produci nada, y den consulta cu demas autoridad, a dicidi na mara e barco na Santo Domingo, y a sigui cu e investigacion.  Net Bispo di Pasco, e miembro di Law Enforcement Detachment (LEDET) di US Coast Guard a bin descubri e bolanan di cocaina bon scondi den un espacio mey-mey di e tankinan di combustible.

E barco, cu e droga y e miembronan di tripulacion a wordo confisca y entrega na autoridad Dominicano.

 

- Advertisement -

DUNA COMENTARIO

Please enter your comment!
Please enter your name here