Home Parlamento Melvin Tromp vocero di AVP mustrando cu fiesta di Friends & Family...

Melvin Tromp vocero di AVP mustrando cu fiesta di Friends & Family reactiva den Gobierno nobo

26
0
SHARE
- Advertisement -

ORANJESTAD (AAN): Ex-Parlamentario Sr Melvin Tromp a tuma nota di e desaroyonan cu ta tumando lugar pa loke ta Fundacion Lotto Pa Deporte cu awe lo trata e caso cu Minister Danqui Oduber a entama contra di e miembronan di bestuur di FLPD

Sr. Tromp ta acentúa cu lamentablemente por a ripara cu e falta di experencia di e mandatario encarga no ta comprende kico ta e proceso y cu defacto e mester por sa pa atene su mes na dje pasobra segun informacion cu Sr a ricibi a dirigi un carta di retiro di Sr Destefano Wernet como Contador Registra como miembro di commissaris mientras cu Sr Wernet ta Director di FLPD.

Sr Danqui Oduber a haye ta trek su decision aden door di retira Sr Wernet pa motibo cu e a comete un blunder y enbista cu e caso di kortgeding lo worde trata awe den corte mester bira un punto di atencion pa e huez cu lo atende e caso aki pa loke ta e deseo di Sr Danqui Oduber como Ministro y su consehero nan.

Segun Sr. Tromp como vocero di e fraccion di AVP Sr Tromp ta alerta cu esnan di MEP y Ministro Oduber cu ta insisti pa e miembronan di raad tuma nan retiro ta muestra cu nan intencion ta simplemente pa por reactiva e fiesta den lotto pa deporte pasobra nos a haya informacion palpable cu un biaha mas ta trata di famia y amigonan pues Friends & Family

Segun Sr Tromp tur cos ta mustra cu a te hasta engaña e huez cu a prohibi e gobierno nobo pa nombra e miembro di raad enbista cu  a contesta huez cu e gobierno actual a nombra su miembronan nobo mientras cu a haci esaki dia 10 di januari ultimo, esaki ta un falta di respet engañando nos hueznan y remarcable ta cu e tema aki desde  ocho pasa a inicia e proceso pa cambio den e statutonan pa evita di e forma aki cu fechoria ta bolbe ripiti den lotto haciendo FLPD  MEP proof

Segun Sr Tromp tur cos ta indica cu e intencion di e Ministro encarga cu deporte y salubridad ta pa nombra amigonan y famia pasobra a  haya ta bon pa nombra Suegro di un Parlamentario di MEP y indicacionan ta mustra cu un señora di un actual Ministro tambe a worde nombra cu un salario di Awg di 2000 pa luna despues cu huez a prohibi cualkier nombracion y esaki ta e motibo cu e Ministro ta insisti e retiro di e otro miembronan di raad hunto cu e Director

E caso aki lo ta uno hopi interessante si nos kier salvaguardia FLPD y evita cu e fechoria nan ta bolbe ripiti bao di e capitulo di Friends & Family.  Fundacion Lotto Pa Deporte ta hibando un maneho transparante y cu retorno nan financiero favorable pa loke ta regarda entradanan di e Fundacion aki.  Sr Tromp ta bisa pa conclui bisando cu nos sistema di derecho cu e caso aki mester worde considera un eye opener pa evita fechoria un biaha mas ripiti

 

- Advertisement -

DUNA COMENTARIO

Please enter your comment!
Please enter your name here