Home Parlamento Mester percura pa bon gobernacion caminda nos institutonan ta wordo fortifica y...

Mester percura pa bon gobernacion caminda nos institutonan ta wordo fortifica y respeta

7
0
SHARE
- Advertisement -

Lider di Fraccion di MEP Rocco Tjon:

ORANJESTAD  (AAN):  Reunionnan pa loke ta e Interparlementair Koninkrijksoverleg (IPKO) lo continua. Por mira bek riba reunionnan hopi fructifero caminda delegacionnan di tur pais den Reino a haya presentacion di e comision “Small Island Developing States Aruba”.  Scarcedad di recursonan financiero y conocimento ta keda e desafio mas grandi.

Manera ta conoci, tin 17 meta pa loke ta desaroyo sostenibel y a wordo enfatisa cu mester percura pa alcansa e metanan aki como collectief y no isola. Es decir no solamente mester enfoca riba metanan ambiental y di energia, pero tambe riba metanan social. Manera por ehempel: combati pobresa y fortifica husticia y nos institutonan.

E tema di e IPKO aki ta sostenibilidad y den cuadro di esey e delegacion di Aruba, presidi pa lider di fraccion di MEP, sr. Rocco Tjon MBA, a pone KIA tambe riba agenda. E idea tras di esaki ta pa ilustra con un instituto coreccional sostenibel, por haci’e posibel pa paisnan ta “compliant” cu tratadonan internacional pa loke ta derecho humano. Den cuadro di esaki tabatin un bishita tambe na KIA. Awe reunion lo sigui caminda lo hasi bishita di trabou na entre otro WEB y Hospital. Ta invita miembronan di prensa pa un conferencia di prensa diahuebs awo 14.15 den ballroom di Hilton.

Pa loke ta e metanan cu mester wordo logra nos ta urgi pa e enfoke bay riba metanan social. Enseñansa, preveni pobreza y hamber. Manera ta conoci actualmente tin basta problema social na Aruba y p’esey solamente por tin desaroyo sostenibel si enfoca na prome lugar riba aspectonan social, manera combati pobreza y mehora enseñansa. Pa logra esaki tambe mester percura pa bon gobernashon caminda nos institutonan ta wordo fortifica y respeta pa garantisa bon gobernashon.

- Advertisement -

DUNA COMENTARIO

Please enter your comment!
Please enter your name here