Home Cultura Mighty Talent Jr. no ta participa den final di Caiso y Soca...

Mighty Talent Jr. no ta participa den final di Caiso y Soca Monarch

388
0
SHARE
- Advertisement -

ORANJESTAD   (AAN): Diabierna merdia a drenta e confirmacion cu Mighty Talent Jr. (Shaun Phillips) no lo participa mas pa e anochi final. Tabata diaranson anochi ariba e ultimo anochi di prefinal di Caiso y Soca Monarch cu Claudius Phillips y Oreo a participa cu varios cantante.

Na final di e anochi solamente Shaun Phillips so a logra pasa pa final por medio di un asina yama “Wild Card”. Esaki ta debi cu tur participante a haya sancion debi cu Oreo no a cuminsa toca den e cantidad di minuutnan cu nan tin pa start.

E cantidad di puntonan cu a kita for di cada cantante a hasi cu nan no a logra clasifica. Esaki no a cay den bon tera cerca Claudius Phillips mes y tambe su yiu Mighty Talent Jr. Diabierna merdia Claudius a comparti e decision di su yiu homber cu e no lo hasi uso di e “Wild Card” pa participa diasabra anochi den e final debi na e disgusto.

Tambe Claudius Phillips a anuncia di nunca no lo kier participa mas den e festival. Shaun Phillips den pasado a gana e competencia tanto den categoria di Caiso y Soca.

 

- Advertisement -

DUNA COMENTARIO

Please enter your comment!
Please enter your name here