Home Parlamento Mike Eman ta mara Gobierno di Aruba na man cu pia, pa...

Mike Eman ta mara Gobierno di Aruba na man cu pia, pa complace e Hulandesnan

436
0
SHARE
- Advertisement -

Endy Croes: Phillips cu contrato di 2,5 miyon dollar pa aña y TNO cu 700 mil dollar pa aña

ORANJESTAD (AAN): “Nos tin cu touch Mike Eman atrobe, pasobra recientemente y awe den tur prensa a wordo publica, cu Mike a wordo invita pa bay duna un lectura na Den Haag”.

“Ta bon pa pueblo compronde kico tabata e triki y kico tabata e wega cu Mike tabata hunga cu e Hulandesnan aki, pa e keda bon mira y esey ta e brug y su pasashi cu nan ta dune bek aworaki rato rato, cu ta un ticket y dos dia di hotel”.

Esaki segun parlamentario Endy Croes di e fraccion geel den parlamento.

“Den nos man a cay algun proyecto cu Mike semper a gaba cune, esta TNO, Phillips, Q Credit, Scheepvaart Rotterdam, Ports Amsterdam, KLM y asina tin hopi compania hustamente Hulandes cu el  a bin cune”.

Esaki segun e parlamentario, kende a sigui bisa cu el a pensa cu e companianan aki lo a bin inverti den Aruba y crea cuponan di trabao pa e habitantenan di Aruba.

“Danki na pueblo cu a manda e Gobierno anterior cas, nos por tin mas documento den nos man y tur locual cu mi haya lo mi percura di keda comparti cubo”.

Esaki segun Croes, kende a sigui bisa cu Phillips por ehempel cu a bin Aruba cu lead lights, a firma un contrato cu Aruba atravez di Mike Eman, unda cu Aruba ta paga e compania Hulandes pa bin establece su mes aki, unda cu ta e pagador di belasting su placa a wordo uza pa cubri esaki.

“E compania no a crea ningun trabao pa ningun hende”.

“Ta amistad cu Mike el a crea, pa e por bay duna lectura den futuro”, segun Croes, kende a sigui bisa cu e contrato ta pa 2,5 miyon dollar y ta di 2017 te cu 2022.

“Mike Eman ta mara un otro Gobierno na man cu pia, pa complace e Hulandesnan aki, anto un di nan trabaonan ta pa pone luz na e ‘lugarnan iconico manera Plaza Padu”.

“Boso wak cuanto luz e compania por a pone eyfo y na otro algun edificio di Gobierno, unda cu nan ta cambia un bombiyo awe si y mayan no, pero nos tin cu paga nan tur aña”.

Esaki segun Croes, kende a sigui bisa cu esaki no a crea ningun cupo di trabao y cu esaki ta e manera con Eman ta gaña e pueblo aki.

Asina e parlamentario a menciona TNO como un di e mesun tipo di ehempelnan aki, unda cu e contrato firma ta bisa cu TNO mester wordo paga 700 mil dollar pa aña, mientras cu e contrato no por wordo anula.

El a indica cu tin varios di e ehempelnan aki pa mustra con Eman a malgasta placa di pueblo y cu pronto e lo trece mas pa dilanti.

Segun Croes, Gobierno di Eman a firma un contrato pa paga TNP 700.000 dollar pa aña.

 

- Advertisement -

DUNA COMENTARIO

Please enter your comment!
Please enter your name here