Home Politica Mike Eman ta predeci fin di e gobernacion nobo

Mike Eman ta predeci fin di e gobernacion nobo

419
0
SHARE
- Advertisement -

Comunidad no ta bay acepta persecusion politico di Gobierno di Coalicion!

ORANJESTAD (AAN) – Ex-prome Minister Mike Eman, a bisa den su declaracion publico, cu loke comunidad por mira na persecusion politico ta un persona a bay inocentemente cera, tambe e caso di Speed Andrade y tambe loke cu a sosode actualmente, cu retiro di varios trahador publico.

Mike Eman a expresa cu dia cu el a bisa cu e ta bay pasa e responsabilidad di liderazgo di nos pais y e partido pa otro persona, tambe a menciona cu tur votador di AVP, cada ciudadano, cu lo no descansa pa defende cada alma cu ta wordo persigui inhustamente, no importa for di cual posicion politico.

Eman lo bay baricada pa defende pan di tata y mama di famia. “No tin sacrificio mucho grandi pa mi, pa defende tata y mamanan di famia pasobra mi no a haci esey cu hendenan di MEP. Di e directora di e dienst, kende probablemente ta cooperando cu esaki y centenares cu ta coopera, tin un stempel geel riba nan. Hamas a drenta den mi cabes pa bay cana e caminda aki pa persigui y kita pan di mama y tatanan di famia. Loke a sosode no ta aceptable y ta inicio di e fin di e gobernacion aki. Pasobra ya caba tabata tin un gobernacion hopi fragil. Pero basa awo riba tanto odio, tanto rencor, sin un vision, sin un motivacion pa dirigi e pais aki a base di boluntad, pueblo no lo bay acepta cu tanto mama y tata di famia, na December, ta wordo poni inhustamente riba caya. No lo bay acept’e, famianan no lo bay acept’e. Habitantenan di bario no lo bay acept’e, e pueblo Arubiano no lo bay acept’e”.

No mester lubida, segun ex-premier, cu partido AVP ta e partido mas grandi na Aruba y su persona ta e lider cu tin e mayor cantidad di voto. Tres biaha mas cu e prome minister sinta. “Kiermen tin un voz y un autoridad moral pa papia y siguramente ora di decisionnan inhusto wordo tuma na otro banda, tey pa para, defende, kico ta husticia den e pais aki. Na cada un famia, cada un persona cu ta victima awe, para hunto pa nos derecho, para hunto pa nos salvaguardia e pais aki, for di man di esnan cu ta pensa cu poder ta abuso di poder. Esey AVP no lo bay acepta! El a conclui.

 

 

- Advertisement -

DUNA COMENTARIO

Please enter your comment!
Please enter your name here