Home Gobierno Minister di Labor ta bay controla si doñonan di trabao ta cumpli...

Minister di Labor ta bay controla si doñonan di trabao ta cumpli cu tur condicion di trabao di nan empleadonan

582
0
SHARE
- Advertisement -

Entre otro si ta paga por lo menos salario minimo

ORANJESTAD  (AAN): Dialuna durante un conferencia di prensa, Minister di Labor y Asuntonan Social Glenbert Croes a papia riba un critica cu a wordo tira den direccion di Gobierno, unda cu a wordo bisa cu Gobierno ta permiti pa trabaonan ilegal tuma lugar den nos refineria.

El a indica cu bao di ningun circunstancia e Gobierno aki ta tolera ilegalidad.

E mandatario a splica cu un di e pasonan cu el a tuma tabata pa busca aprobacion di Gobierno pa inspeccion di labor haya e autoridad pa controla tur e aspectonan cu tin den trabaonan na Aruba den tur sector.

Segun Croes, e responsabilidad nunca a wordo aproba, pero siman pasa un proposicion riba conseho di Directie Arbeid a wordo aproba den conseho di minister.

E mandatario a splica cu un di e tareanan cu a wordo aproba ta: kico ta e compromiso, responsabilidad y deber cu doñonan di trabao tin cu tur trahador den tur aspecto laboral.

“Labor awor ta bay controla cuanto ora e doñonan di trabao ta laga nan empleadonan traha, con overtime ta wordo paga y si di berdad nan ta paga por lo menos minimum loon”, segun Croes, kende a splica cu ainda tin hopi lugar cu no ta paga ni salario minimo.

El a sigui bisa cu ta bay traha tambe pa caba cu e abuso cu Uitzendbureaus ta hasi cu trahadornan, pues nan tambe ta bay wordo controla.

Tambe ta bay wordo controla si e trahadornan ta haya e cantidad di dia di vakantie cu ta prescribi pa ley.

E mandatario a indica tambe cu ta bay wak si ta pone mucha traha, cu tambe ta contra ley.

E Minister di Labor a bisa tambe cu el a instrui Arbeidsinspectie pa controla tur sector, pero tambe e sector di refineria.

El a indica cu tin hopi hende ta bay Aruba y sin permiso ta bay traha den e refineria y e  fenomeno aki mester wordo combati.

 

 

- Advertisement -

DUNA COMENTARIO

Please enter your comment!
Please enter your name here