Home Cultura Minister Rudy Lampe: Aruba tin cu hunga un rol di lider den...

Minister Rudy Lampe: Aruba tin cu hunga un rol di lider den defensa di Papiamento

198
0
SHARE
- Advertisement -

2018 oficialmente declara como Aña di Papiamento

ORANJESTAD (AAN):  Diahuebs miembronan di Fundacion Lanta Papiamento y funcionarionan di Departamento di Cultura tabata presente durante un conferencia di prensa di Gobierno, relaciona cu firmamento di un decreto pa declara 2018 como Aña di Papiamento.

Minister di Enseñanza Rudy Lampe a firma e decreto hunto cu Minister di Cultura Xiomara Maduro, mientras cu Prome Minister Evelyn Wever Croes despues lo bay firma e decreto.

Lampe a indica cu e decreto ta bisa cu:

E idioma materno di nos pais ta Papiamento y ta di suma importancia pa e desaroyo di pueblo di Aruba.

Gobierno tin un papel importante di guia e desaroyo di Papiamento, unda cu Minister di enseñanza a cuminza na 2018 cu e plan di implementacion di e scol multilengual.

E decreto ta un empuhe extra pa e scol multilengual, segun e mandatario.

E Minister a splica cu ta nos tin cu defende e idioma di Papiamento.

“Aruba tabata e prome pais den Reino Hulandes cu na 2003 a declara Papiamento como idioma oficial y mi ta sumamente orguyoso di por sinta aki cu diferente persona di Fundacion Lanta Papiamento, cu a duna e empuhe aki”.

“Despues a sigui pais Corsow”.

Esaki segun Lampe, kende a sigui bisa cu si wak bek, tin cierto peliger pa Papiamento si  nos no Sali na su defensa.

El a indica cu cifranan ta mustra cu esnan tin idioma materno Papiamento por ehempel na Boneiro, ta birando  cada biaha menos.

Esaki ta pone cu den futuro Papiamento eynan por desaparece.

Na Hulanda e cantidad di esnan di cual nan idioma materno ta Papiamento a baha drasticamente, pasobra e yiunan di Arubianonan y e yiunan di esnan di Corsow cu a establece nan mes na Hulanda, ya no ta domina Papiamento mas.

Lampe a sigui bisa cu na St. Maarten, Saba y St. Eustatius tambe cada biaha e cantidad cu ta domina Papiamento ta bira menos.

“Si e trend ey sigui, Papiamento tin e peliger di bira un idioma cu por desaparece”.

“Pesey diferente organo di Nacionnan Uni, Raad van Europa y otro organizacionnan internacional ta pidi pa defende idiomanan minoritario of idiomanan crioyo”.

“Pesey Gobierno di Reino na 2014 a pidi pa hasi un estudio y bin cu recomendacionnan riba con por defende Papiamento como un idioma minoritario, pa no pasa locual a pasa na hopi pais”, segun e minister di Enseñanza.

El a indica cu cada aña por lo menos 1 idioma ta desaparece.

“Aruba tin cu hunga un rol di lider den defensa di Papiamento pa fortifica esaki y mundo henter tin su bista riba esey”, segun Lampe.

- Advertisement -

DUNA COMENTARIO

Please enter your comment!
Please enter your name here