Home Comentario Momento a yega pa Aruba duna Victimanan e mesun derecho cu a...

Momento a yega pa Aruba duna Victimanan e mesun derecho cu a burdugonan

43
0
SHARE
- Advertisement -

Comentario

Te ki dia victimanan sea di ladronicia, atraco, maltrato fisico ta bin na remarca pa abogado gratis na Aruba?

Regularmente ta socede casonan na Aruba, unda e victima ta keda cu man na cabez.  Polis y Recherche ta bise cu e tin di bay abogado pa asina e por haya su derecho.

Pues, siendo cu e ta e victima, di un forma of otro e tin di busca forma pa bay paga abogado pa busca su derechonan.  Aki tin di corda, cu e malhechornan mes, esta tur esnan cu a comete un fechoria y a cay den man di Husticia… nan si tin derecho pa ricibi asistencia di abogado liber.

Pero e pober victima?  Sea e tin placa of e ta bashi, e no por haya abogado gratis.

A ser presenta na DIARIO e observacion aki, principalmente debi cu victimanan ta sinti na mes “discrimina”.  Kizas a bira tempo pa Mandatarionan, como tambe Parlamentarionan cuminsa pensa den e direccion pa sali na vanguardia di e victimanan.

Figurabo cu un preso condena tin hasta derecho di e.o. vota den eleccion,  E ta wordo considera como un derecho sagrado.

E detenido den prison ta haya bishita di abogado sin cu mester paga un cent preto. Gobierno ta paga un suma fiho pa abogado atende e detenido.

Pakico esaki no por ta asina pa e victima tambe?  Di con e si no tin derecho.

Den parlamento tin diferente parlamentario cu titulo di “meester” y hasta tin cu a practica e profesion di abogado. Ban spera cu lo por surgi discusion relaciona cu e desigualdad aki na beneficio di e numeroso victima perhudica na Aruba.

- Advertisement -

DUNA COMENTARIO

Please enter your comment!
Please enter your name here