Home arte y espectaculo Musico Arubiano Gus Genser despues di 20 aña bek cu gran concierto...

Musico Arubiano Gus Genser despues di 20 aña bek cu gran concierto pa un bon causa

47
0
SHARE
- Advertisement -

ORANJESTAD (AAN): Tur hende conoce como Gus Genser!  E drummer, guitarista y vocalista professional especialmente den e mundo di rock!

Gus ta di regreso na su isla natal pa vacacion despues di 20 aña for di su pais. Gus no ta laga e oportunidad ki pasa sin por laga algo bon atras. Prome cu Gus regresa Europa pa sigui cu su profesion como musico, e lo marca su presencia na su isla natal Aruba cu un tremendo concierto y pa un bon causa. Cu colaborashon di Freewinds y Jani Croes Gus lo presenta un concierto dia 20 di Januari. Tur fondo lo bay pa e proyecto di studie-reis di EPI.

Cu 6 aña di edad caba Gus tabata suta drums cu tabata resona den su vecindario di San Nicolas. E vecindario tambe di otro musiconan manera  Caudius Phillips y Delbert Bernabela. Den transcurso di tempo Gus tabata hopi activo y reconoci como musico den area di hotelnan. Gus tabata drummer y vocalista di e banda Departure cu tabata presenta nan mes un composishonnan. Genser tambe tabata forma parti di e agrupacion Survival y Mad Dog.

Durante Gus su presentashon na hotelnan, el a hala atencion di e agrupashon grandi di Motown Records, esta The Blue Notes. Gus tabata presenta cu e grupo aki na Aruba Caribbean Hotel.

Blue Note a hiba Gus Merca caminda cu Gus a traha cu e agrupashon aki pa 2 aña. Oportunidad a habri na Europa tambe pa Gus Genser. Gus a haya su mes ta imigrando pa Europa caminda Gus tabata hopi conoci na television Europeo cu varios presentashon.

Gus tabata forma parti di Herman Brood & the Wild Romance( hopi famoso den e mundo di rock na Hulanda).  Gus a traha tambe cu nombernan grandi manera Golden Ear-ring, Do, Jan Akkerman, Yellow Pearl  y mas. Pa 5 aña caba Gus Genser ta traha entre Hulanda y Ibiza constantemente.

Mientrastanto tur cos ta cla pa un presentashon di otro mundo riba Freewinds dia 20 di januari. Tur fondo lo bay pa e comishon di “Studie-reis” di  EPI. E anochi lo tin presentashon di Departure, Survival , Mike Genser y Freewinds Band.

Carchi ta obtenibel  pa 15 Florin na Colegio EPI net na e entrada net den e skina di Citgo/McDonald’s Sero Blanco. Por yama pa reserva kaartji na telefoon: 525-8750 / 525-8751 / 525-8753.

 

- Advertisement -

DUNA COMENTARIO

Please enter your comment!
Please enter your name here