Home Actividad Especial Oportunidad pa huur bicicleta pa evento di Dia di Betico na Playa...

Oportunidad pa huur bicicleta pa evento di Dia di Betico na Playa Pabao

9
0
SHARE
- Advertisement -

ORANJESTAD (AAN): Directiva di Centro di Bario ta anuncia su promer actividad pa 2018. Ta trata aki di un paseo riba bicicleta cu ta tuma lugar diahuebs  25 di januari esta Dia di Betico.

E actividad aki ta den cuadra tambe di e actividad anual di “Tin Union Familiar” (TUF). E actividad aki ta efoca y stimula e importancia di tin un union den famia. Den pasado TUF a worde organiza cu exito na unda famianan ta uni y participa na e actividad aki. E aña aki a dicidi pa organiza un biaha mas un paseo riba bicicleta na unda famianan por uni ya cu mayornan por participa hunto cu nan yiu(nan) riba bicicleta.

Tambe bisiñanan, clubnan deportivo, schoolnan y barionan por forma nan grupo. Manera ya menciona e actividad aki ta tuma lugar Dia di Betico. Mainta 9 ór ta sali rumbo pa Arashi pasando via Bubali y San Minguel. Lo regresa Centro via e caminda grandi di Nord. Lo tin musica pa compaña e grupo. Inscripcion ta tuma lugar na Centro di Bario Playa Pabao di dialuna pa diabierna di 8 ór pa 12 ór y di 2 ór pa 6 ór y tambe lo tin oportunidad pa inscribi e dia di e actividad promer cu 8.30am.

E promer 200 persona cu inscribi ta recibi un tshirt. Lo cobra e suma di 5 Florin cual ta incui awa y fruta. Pagando e suma di 20 Florin bo por huur un bicicleta pa e actividad aki. Pa huur un bicicleta e mester inscribi primer  cu dia 24 di januari. Dia di e actividad bo bicicleta ta na Centro y despues di e actividad bo mester entregele na Centro. Nos grandinan y chikitinnan tambe por participa ya cu tin un bus disponibel. Inscribi na tempo pasobra cuponan ta limita. Pa mas informacion por tuma contacto cu Centro di Bario Playa Pabao telefon 583 7775 of riba cel 593 8470.

- Advertisement -

DUNA COMENTARIO

Please enter your comment!
Please enter your name here